Water Protest Agrowon
ॲग्रो विशेष

Agriculture Irrigation : उपळाईच्या शेतकऱ्यांचा पाण्यासाठी ‘रास्ता रोको’

Protest for Water : उपळाई बुद्रूक परिसरात पाणी येत नसल्याने, पिण्याच्या पाण्याचा व जनावरांच्या पाण्याचा प्रश्न गंभीर होत चालल्याने, नागरिकांनी माढा-शेटफळ रस्त्यावर शनिवारी सकाळी एक तास रस्ता रोको आंदोलन केले.

Team Agrowon

Solapur News : सीना माढा उपसा जलसिंचन योजनेच्या पाण्यासाठी संबंधित विभागाकडून शेतकऱ्याच्या ऊस बिलातून पाणीपट्टी कपात करून घेतली जाते. परंतु या योजनेचे सध्या पन्नास दिवसांहून अधिक काळ झाले पाणी सुरू असताना देखील अधिकाऱ्यांच्या निष्काजीपणामुळे उपळाई बुद्रूक परिसरात पाणी येत नसल्याने, पिण्याच्या पाण्याचा व जनावरांच्या पाण्याचा प्रश्न गंभीर होत चालल्याने, नागरिकांनी माढा-शेटफळ रस्त्यावर शनिवारी सकाळी एक तास रस्ता रोको आंदोलन केले.

यंदा पाऊस कमी झाल्याने शेतकऱ्यांची आशा सीना - माढा उपसा जलसिंचन योजनेच्या पाण्यावर आहे. या योजनेचे पाणी सुरू होऊन जवळपास दोन महिने उलटले असून, या पाण्यासाठी या भागातील शेतकऱ्यांच्या ऊसबिलातून पाणीपट्टी देखील संबंधित विभागाच्या वतीने कपात करण्यात आली आहे.

तरीदेखील अधिकाऱ्यांच्या निष्काजीपणामुळे या भागांत अद्याप पाणी पोहचले नसल्याने, नागरिकांमध्ये तीव्र नाराजी होती. माढा पोलिसांच्या मध्यस्थीने नायब तहसीलदार विजय लोकरे यांना निवेदन देऊन नागरिकांनी आंदोलन मागे घेतले.

यावेळी वाहनांच्या लांब रांगा लागल्या होत्या. आंदोलनात माजी पंचायत समिती सदस्य दीपक देशमुख, मल्लिकार्जुन झाडबुके, संजय नागटिळक, मनोज गायकवाड उपस्थित होते.

आंदोलनकर्त्यांना दोन दिवसांपूर्वीच पाणी सोडण्याचे तोंडी आश्वासन दिले होते. तरीदेखील ते आंदोलनावर ठाम होते. उद्यापासून उपळाई भागात टप्प्याटप्प्याने सर्वत्र पाणी पोचवण्यासाठी प्रयत्न करू.
नारायण आल्हाट, अभियंता, भीमा पाटबंधारे विभाग भीमानगर

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Maharashtra Monsoon Rain: मराठवाड्यात पावसाचा जोर कमीच; पूर्व विदर्भ आणि कोकणात पुढील ४ दिवस जोरदार पावसाचा अंदाज

Agrowon Podcast: गव्हाचे भाव स्थिरावले; डाळिंब तेजीत, मुग दबावात, केळीच्या दरात वाढ, उडदाचे भाव स्थिर

ZP School Admission : बोराखेडी जिल्हा परिषद शाळेत प्रवेश ‘ॲडमिशन फुल्ल’

Tree Plantation : जैवविविधता जपण्यासाठी वृक्षारोपण गरजेचे

Farmers Welfare: बच्चू कडू यांच्या मागण्यांना सरकारचा सकारात्मक प्रतिसाद; शेतकरी,मजुरांसाठी आश्वासने

SCROLL FOR NEXT