Nashik News : मॉन्सूनोत्तर पावसाचा फटका जिल्ह्यात सर्व भागांत बसला. त्यामध्ये खरीप कांद्याचे मोठे प्रमाण नुकसान झाले आहे. यामध्ये लागवडी मोठ्या प्रमाणावर विरळ पडल्याने शेतकऱ्यांना अपेक्षित उत्पादन येणार नाही.

याशिवाय लागवडी खराब झाल्याने सिन्नर तालुक्यातील जायगाव येथील कांदा उत्पादक शेतकरी शरद पुंडलिक नागरे या शेतकऱ्याने रोटाव्हेटर फिरविला आहे.

गेल्या ऑक्टोबर महिन्याच्या दुसऱ्या सप्ताहात झालेल्या जोरदार पावसामुळे जिल्ह्यात सिन्नरसह जिल्ह्यातील येवला, निफाड, चांदवड, नांदगाव, मालेगाव, देवळा, कळवण, बागलाण तालुक्यांतील कांदा पट्ट्यात मोठे नुकसान आहे.

त्यात खरीप आणि लेट खरीप हंगामातील लाल कांद्याचे मोठ्या प्रमाणात नुकसान झाले होते. सोबतच रब्बी हंगामासाठी शेतात टाकलेल्या उन्हाळी कांद्याच्या रोपांचे मोठे नुकसान झाले.

परतीच्या पावसामुळे जिल्ह्यातील शेतकऱ्यांचे लाल कांद्याचे मोठ्या प्रमाणात नुकसान झाल्याने शेतकऱ्यांना मोठे आर्थिक नुकसान झाले आहे.