Nagar News : शेतकऱ्यांच्या प्रश्नांवर लढणाऱ्या पद्मश्री डॉ. विठ्ठलराव विखे पाटील (Padmashri Dr. Vitthalrao Vikhe Patil) कृषी परिषदेचे ११ वे राज्यस्तरीय अधिवेशन यंदा शिर्डी जि. नगर येथे रविवारी ता. २६ होत आहे.

त्यात विविध क्षेत्रातील राज्यभरातील मान्यवरांचा गौरव केला जाणार असल्याची माहिती प्रदेशाध्यक्ष भागवत देवसरकर यांनी दिली.

भागवत देवसरकर म्हणाले, की डॉ. विठ्ठलराव विखे पाटील कृषी परिषदेच्या अधिवेशनाचे उद्घाटन महसूलमंत्री राधाकृष्ण विखे पाटील यांच्या हस्ते होईल. अध्यक्षस्थानी माजीमंत्री अण्णासाहेब मस्के पाटील असतील.

नगर जिल्हा परिषदेच्या माजी अध्यक्ष शालिनीताई विखे पाटील, महानंद चे अध्यक्ष राजेश परजने, भारतीय जनता पार्टीचे सहमुख्यप्रवक्ते अजित चव्हाण उपस्थित राहणार आहेत.

अधिवेशनाचे नियोजन स्वागतध्यक्ष खासदार सुजय विखे पाटील यांच्या मार्गदर्शनात होत असून अधिवेशनामध्ये महाराष्ट्रातील कृषी व इतर क्षेत्रात उल्लेखनीय काम करणाऱ्या विविध क्षेत्रातील मान्यवरांचा गौरव होणार आहे.

महाअधिवेशन यशस्वी करण्यासाठी संयोजन समिती स्थापन केली असून या संयोजन समितीमध्ये गुणवंत आठरे पाटील, सुहास ब्राह्मणे, सचिन शिंदे पाटील, अपर्णा हासे पाटील असणार आहेत, तर राज्यभरातून प्रा. विवेक सुकणे पाटील, सुचिताताई पाटील, संगीता इंगोले, बालाजी सूर्यवंशी, रूपाली देशमुख, विठ्ठल गलबे, एकनाथ मोरे, सोनाली गर्जे परळकर, विनीत पाटील, धनंजय फिरके, परमेश्वर काळे, मोतीराम पवार, गजानन ढगे, पांडुरंग पोपळे, श्रीकांत शिंदे, संदीप पावडे, भावना सरनाईक, रावसाहेब घुमरे, संतोष पाटील सूर्यवंशी, ज्ञानेश्वर चौधरी, प्रदेश सल्लागार धनंजय पाटील यांच्यासह पदाधिकारी संयोजन समितीत काम करत आहेत.