Rabi Season Crop Insurance : राज्यात सध्या दुष्काळी परिस्थिती आणि अवकाळी पावसामुळे शेतकरी संकटात असताना दिलासा देण्यासाठी शासनाने एक महत्वाचा निर्णय घेतला होता. राज्य सरकारने रब्बी हंगामात १ रुपयात पीक विमा योजना सुरु केली आहे. या योजनेची मुदत ३० नोव्हेंबर २०२३ होती. पण काही तांत्रिक अडचणींमुळे अनेक शेतकरी या योजनेत सहभागी होऊ शकले नव्हते. म्हणून शासनाने रब्बी हंगामातील ज्वारीसह आंबा, काजू, संत्रा आदी फळपिकांचा पीकविमा भरण्याची मुदत वाढली आहे. शेतकऱ्यांना आपल्या पिकांचा विमा ता. ४ व ५ डिसेंबर २०२३ रोजी भरता येणार आहेत.

प्रधानमंत्री पीक विमा योजनेअंतर्गत शासनाने हवामानावर आधारित फळपिक योजना सुरु केली आहे. या अंतर्गत आंबा, काजू, केळी या फळ पिकांचा समावेश आहे. त्यांची अंतिम मुदत ३० नोव्हेंबर होती. पण पिक विमा पोर्टलमधील काही तांत्रिक अडचणींमुळे या योजनेत या योजनेत सहभागी होऊ शकले नव्हते. म्हणून राज्य शासनाने केंद्राकडे मुदत वाढविण्याची विनंती केली होती. त्यानुसार केंद्राने दोन अतिरिक्त दिवस (४ व ५ डिसेंबर) पिक विमा पोर्टल या पिकांच्या सहभागासाठी सुरू राहणार आहे.

रब्बी हंगामातील ज्वारीसह आंबा, काजू, संत्रा आदी फळपिकांचा पीकविमा भरण्याची अंतिम तारीख ३० नोव्हेंबर होती, मात्र काही शेतकरी विविध तांत्रिक अडचणींमुळे पीकविमा भरू शकले नाहीत, याचा विचार करून केंद्राकडे विनंती केली असता, दि. ४ व ५ डिसेंबर या दोन दिवसात वरील पिकांचा विमा भरता येणार आहे. उर्वरित शेतकऱ्यांनी आपल्या पिकांचा विमा भरून योजनेत सहभाग घ्यावा, असे आवाहन कृषीमंत्री धनंजय मुंडे यांनी केले आहे.