Akola News : देशभरात कापूस उत्पादकांना निश्‍चित हमीभाव मिळावा या उद्देशाने केंद्र सरकार सकारात्मक असून वेळप्रसंगी कमी दर मिळाल्यास किमान १५ टक्‍क्यांपर्यंत भावांतर देण्याबाबत हालचाली सुरू झाल्या आहेत.

या अनुषंगाने धोरण निश्‍चित करण्यासाठी नीती आयोगाचे सदस्य प्रा. रमेशचंद्र यांच्या अध्यक्षतेखाली समिती स्थापन करण्यात आली आहे. बुधवारी (ता. १८) या समितीची पहिली बैठक नवी दिल्लीत झाली.

या समितीत दोन शेतकरी प्रतिनिधी असून अकोल्यातील प्रयोगशिल कापूस उत्पादक गणेश नानोटे यांचाही समावेश आहे.

केंद्र सरकार कापूस उत्पादकांना दर देण्यासाठी सकारात्मक असून त्यांच्या सूचनेनुसार समितीचे गठण केले. यात नीती आयोगाचे सदस्य प्रा. रमेशचंद्र यांना समिती अध्यक्षांची जबाबदारी दिली आहे.