Sangli News : सांगली जिल्ह्यात गेले आठ ते नऊ दिवस जोरदार पावसाने हजेरी लावली. बुधवारी आणि गुरुवारी या दोन दिवशी पावसाने उघडीप दिली आहे. जिल्ह्यात चोवीस तासांत २.२ मिमी पावसाची नोंद झाली आहे. दिवसभर ढगाळ वातावरण असून अधूनमधून हलका पाऊस पडला.

जिल्ह्यात गेल्या तेरा दिवसांपासून पाऊस पडत आहे. दुष्काळी भागासह कृष्णा आणि वारणा काठच्या पट्ट्यात जोरदार पाऊस झाला. यामुळे पेरणी केलेल्या पिकांना हा पाऊस उपयुक्त ठरत आहे. जिल्ह्यात १३ दिवसांपैकी सरासरी आठ ते नऊ दिवस पाऊस झाला असून १६० मिमी इतक्या पावसाची नोंद झाली आहे.

बुधवारी (ता. १२) सकाळपासून पावसाने उघडीप दिली आहे. सायंकाळच्या दरम्यान चांगली शहरासह मिरज तालुक्यात मध्यम पाऊस झाला. तर गुरुवारी (ता. १३) सकाळी ढगाळ वातावरण होते. दुपारनंतर पावसाची रिपरिप सुरू झाली. बुधवारपासून पावसाने उसंत घेतली आहे. त्यामुळे शेतकरी आता खरीप हंगामातील पिकांच्या टोकनीचे नियोजन करू लागला असल्याचे चित्र आहे.

शेतकऱ्यांनी पाऊस सुरू होण्यापूर्वीच बियाण्यांची खरेदी केली होती. सध्या ज्या भागामध्ये वाफसा आला आहे, अशा ठिकाणी शेतकऱ्यांनी मूग, उडीद, भुईमूग, सोयाबीन या पिकांची टोकणी सुरू केली आहे.

सांगली जिल्ह्यात चोवीस तासांत झालेला तालुकानिहाय पाऊस (मिमीमध्ये)

तालुका पाऊस

मिरज ६.२

जत ०.२

खानापूर-विटा ४.२

वाळवा ०.५

तासगाव ३.२

आटपाडी ०.०

कवठे महांकाळ ०.४

पलूस ०.२

कडेगाव ४.१