Kolhapur News : जिल्ह्यातील ७५३ सहकारी दुग्ध संस्थांनी निवडणुकीसाठी वारंवार मागणी करूनही मतदार याद्या न दिल्यामुळे जिल्ह्यातील ७५३ दुग्ध संस्थांवर प्राधिकृत अधिकाऱ्यांची नियुक्ती करण्यात आली. सहायक निबंधक सहकारी संस्था यांच्या बैठकीत हा निर्णय घेतला. पंचवार्षिक निवडणुका लांबल्या नंतर राज्य निवडणूक प्राधिकरणाने जानेवारीत निवडणुका जाहीर केल्या आहेत.

निवडणूक प्रक्रियेसाठी सर्वांत पहिली पायरी असलेल्या प्रारूप मतदार याद्या तयार करण्याचे काम स्थानिक दुग्ध संस्थांचे आहे. त्यांच्याकडून या याद्या वेळेत मिळाल्यानंतर दुग्ध विभागाकडून त्यांचा निवडणूक कार्यक्रम जाहीर केला जातो.

यासाठी दुग्ध विभागाकडून जिल्ह्यातील सुमारे ८०० संस्थांना याबाबतची माहिती दिली. काही संस्थांनी तातडीने याद्या दिल्या, काहींची अपूर्ण राहिलेली निवडणूक प्रक्रिया पूर्ण केली. जिल्ह्यातील ७५३ सहकारी दुग्ध संस्थांनाही अशाच पद्धतीची माहिती पत्राद्वारे देण्यात आली. त्यांच्याकडून मतदार याद्या तयार करण्यासाठी कोणतीही पाऊले उचलली गेली नाहीत

दुग्ध संस्थांची तालुकानिहाय आकडेवारी

करवीर ११४

कागल ७४

गडहिंग्लज ५८

चंदगड ६०

पन्हाळा ७९

भुदरगड ८६

राधानगरी ९५

शाहूवाडी ७४

शिरोळ ३२

हातकणंगले ३६