Nanded News : शेतकऱ्यांचे मजबूत संघटन आणि शेतीमध्ये सकारात्मक बदल घडवून आणल्याबद्दल कृषी जागरण आणि भारतीय कृषी संशोधन परिषद (आयसीएआर) नवी दिल्ली यांच्या संयुक्त विद्यमाने ‘मिलियनेयर एफपीओ ऑफ द इअर अॅवॉर्ड-२०२४’ माजी केंद्रीय मंत्री हंसराज अहीर यांच्या हस्ते अमृतालयमचे मुख्य कार्यकारी अधिकारी यांना प्रदान करण्यात आला.

तसेच भारत पर्यावास केंद्र, नवी दिल्ली येथे कृषी व किसान कल्याण मंत्रालय, दिल्ली आणि कॉन्फेडरेशन ऑफ इंडियन इंडस्ट्रीच्या संयुक्त विद्यमाने मिनिस्ट्री ऑफ फूड प्रोसेसिंगचे ॲडिशनल सेक्रेटरी मिन्हाज आलम यांच्या हस्ते शेतकरी संघटन बीजोत्पादन आणि ग्रामीण विकास या विशेष घटकासाठी सीआयआय एफपीओ एक्सलन्स ॲवॉर्डने सन्मानित करण्यात आले. या वेळी एस. शिवकुमार, सीमा अरोरा, ग्लेन डेंनिंग (अमेरिका), आशुतोष देशपांडे, योगेश जोशी उपस्थित होते.

‘ॲग्रोवन’चे आभार

‘ॲग्रोवन’मध्ये बीजोत्पादनाबाबत यशकथा प्रसिद्ध झाली होती. त्यामुळे अमृतालयम सीड्‌स हा एक चांगला ब्रॅण्ड तयार झाला आणि कंपनीला खूप मोठ्या स्तरावर प्रसिद्धी मिळाली. त्याबद्दल ॲग्रोवनचा खूप महत्त्वाचा वाटा असून, आमच्या यशस्वी वाटचालीत विसरता येणार नाही, असे माधव तरकंटे यांनी सांगितले.