Pune News : जागतिक शेतीमालाच्या निर्यातीचे तंत्र उलगडून दाखविणारा ‘ॲग्रोवन’चा पहिला दुबई कृषी अभ्यास दौरा यशस्वी होताच आता दुसऱ्या दौऱ्याची तयारी सुरू झाली आहे. विशेष म्हणजे ६ ते ११ ऑक्टोबर दरम्यान होत असलेल्या या दौऱ्यात शेतकरी तसेच व्यावसायिकांना ‘ॲग्रा-मी’ या आंतरराष्ट्रीय कृषी प्रदर्शनाला भेट देण्याची संधी मिळेल. शिवाय अभ्यासाबरोबरच फावल्या वेळात स्थलदर्शन आणि खरेदीचा आनंदही लुटता येईल.

शेतीमाल निर्यात व्यवसायात उतरण्याची इच्छा अनेकांची असते. परंतु, योग्य मार्गदर्शन मिळत नाही. त्यामुळेच अशा शेतकरी, नवउद्योजक व तरुण व्यावसायिकांसाठी ‘ॲग्रोवन’तर्फे दुबईच्या शेतीमाल अभ्यास दौरा संकल्पना राबवली जात आहे. २८ जुलै ते २ ऑगस्ट दरम्यान पहिला दौरा उत्साहात पार पडला.

राज्याच्या विविध भागातील शेतकरी, व्यावसायिक या दौऱ्यात सहभागी झाले. त्यांना दुबईत थेट आयातदारांना भेटण्याची संधी मिळाली. त्यामुळे यातील काही शेतकरी आता शेतीमाल निर्यातीबाबत मध्यस्थाविना संबंधित आयातदार संस्थांशी व्यावसायिक जुळवाजुळव करीत आहेत.

गुणवत्ता व चवीतील वेगळेपणा तसेच वाहतुकीसाठी लागणारा कमी कालावधी यामुळे भारतीय भाजीपाला व फळांना दुबईतून वाढती मागणी आहे. तेथील आयातदार भारतीय शेतीमाल दुबईला पुरवून पुढे युरोपातदेखील पाठवत असतात.

अभ्यास दौऱ्यात शेतीमाल निर्यातदार, तज्ज्ञ व प्रशिक्षक असलेल्या धनश्री शुक्ल यांच्याकडून उत्कृष्ट मार्गदर्शन लाभते. राज्यातील शेतकरी उत्पादक कंपन्या, शेतकरी उत्पादक संघ तसेच कृषी क्षेत्रातील कोणत्याही संस्था, गट, व्यक्ती दौऱ्यात सहभागी होऊ शकतात.

ऑक्टोबरमध्ये होणाऱ्या अभ्यास दौऱ्याचे वैशिष्ट्य म्हणजे ७ व ८ ऑक्टोबरला दुबईतील ‘ॲग्रा-मी’ या शेतीविषयक प्रदर्शनाला भेट देण्याची संधी लाभणार आहे. यामुळे आंतरराष्ट्रीय दर्जाच्या कंपन्यांचा सहभाग असलेल्या आधुनिक शेती, हायड्रोपोनिक्स, फलोत्पादन, पशुपालन, मत्स्य व्यवसाय, नवतंत्रज्ञानाचे स्टॉल्स बघता येतील.

अल अवीर, अल रास मार्केटला भेट देऊन तेथे विविध देशांतून आलेल्या भाजीपाला, फळे आणि इतर कृषी उत्पादनांची हाताळणी, खरेदी-विक्री कशी होते, हे जाणून घेता येईल. मीना बाजार, लुलु मार्केट, दुबई मॉल, बुर्ज खलिफा, जबेल अली पोर्ट तसेच दुबईतील ‘कॉन्सुलेट जनरल ऑफ इंडिया’ला भेट देता येणार आहे. तेथे आयात-निर्यात व्यवसायात कार्यरत असलेल्या महाराष्ट्रीयन व्यावसायिकांशी चर्चा करण्याची संधी हे दौऱ्याचे खास वैशिष्ट्य असेल.

दौऱ्यासाठी संपर्क आणि शुल्क...

दौऱ्याचे एकूण शुल्क प्रतिव्यक्ती १.२० लाख रुपये अधिक जीएसटी असून त्यात सर्व खर्च समाविष्ट आहेत. या संधीचा लाभ घेण्यासाठी इच्छुकांनी ५ सप्टेंबरपर्यंत क्यूआर कोड स्कॅन करून नोंदणी करावी. श्री. गजानन शिंदे (९५४५५४१९१७) यांच्याशी थेट संपर्क साधता येईल.