Agriculture Land Agrowon
ॲग्रो विशेष

Agriculture Land Scheme : अनुसूचित जाती, नवबौद्ध घटकातील भूमिहिन, शेतमजुरांना देणार शेतजमिनी

Land Scheme : अनुसूचित जाती व नवबौद्ध घटकांना लाभ देण्यासाठी जिल्हा समाज कल्याण कार्यालयास जमीन खरेदी करावयाची आहे.

Team Agrowon

Solapur News : कर्मवीर दादासाहेब गायकवाड सबलीकरण व स्वाभिमान योजनेंतर्गत दारिद्र्य रेषेखालील भूमिहिन शेतमजूर अनुसूचित जाती व नवबौद्ध घटकांना २ एकर बागायत किंवा ४ एकर जिराईत जमीन १०० टक्के अनुदान स्वरूपात खरेदी करून देण्यात येत असल्याची माहिती समाज कल्याणचे सहाय्यक आयुक्त सुलोचना सोनवणे यांनी दिली आहे.

या योजनेचा लाभ घेण्यासाठी लाभार्थी अनुसूचित जातीचा दारिद्र्य रेषेखालील व कुटुंब प्रमुखाचे वय ६० वर्षापेक्षा जास्त आहे. अशा कुटुंबातील ६० वर्षापेक्षा कमी वय असणाऱ्या कुटुंबा प्रमुखाच्या पत्नीला या योजनेचा लाभ घेता येईल.

योजनेचा लाभ घेण्यासाठी लाभार्थी विक्रीसाठी जमीन उपलब्ध असलेल्या गावाचा रहिवासी असावा, प्रस्तुत योजनेंतर्गत ज्या गावात जमीन उपलब्ध आहे, त्याच गावातील पात्र लाभार्थ्यांची प्रथम निवड करण्यात येईल व त्या गावातील लाभार्थी उपलब्ध नसल्यास लगतच्या इतर गावातील पात्र लाभार्थ्यांना जमिनीच्या उपलब्धतेनुसार चिठ्या टाकून जिल्हा समितीच्या मान्यतेने विहित कार्यपद्धती नुसार पारदर्शक पद्धतीने लाभ देण्यात येईल.

जमिनीची खरेदी करणार, या आहेत अटी

अनुसूचित जाती व नवबौद्ध घटकांना लाभ देण्यासाठी जिल्हा समाज कल्याण कार्यालयास जमीन खरेदी करावयाची आहे. जमीन विक्रीच्या अर्जावर शेतजमीन विक्री करणाऱ्या जमीन मालकाशिवाय संबंधितांच्या कुटुंबातील दोन व्यक्तींची जमीन विक्रीस संमतीबाबतचे ना-हरकत प्रमाणपत्र आवश्यक आहे, जे जमीन मालक जिरायती जमीन कमाल ५ लाख रुपये प्रति एकर व बागायत जमीन कमाल ८ लाख रुपये प्रति एकर प्रमाणे विक्री करण्यास तयार आहेत, अशा जमीन मालकांनी जमिनीच्या सात-बारा व आवश्यक कागदपत्रांसह सहायक आयुक्त समाज कल्याण, कार्यालय, सोलापूर यांच्याशी संपर्क साधावा, असे आवाहनही करण्यात आले आहे.

जमिनीसाठी यांना असेल प्राधान्य

दारिद्र्य रेषेखालील भूमिहीन अनुसूचित जाती तथा नवबौद्ध प्रवर्गातील परित्यक्ता स्त्रिया, दारिद्र्य रेषेखालील भूमिहीन अनुसूचित जाती तथा नवबौद्ध विधवा स्त्रिया, अनुसूचित जाती /जमाती कायद्यांतर्गत जातीचे अत्याचारग्रस्त या घटकांना लाभार्थी निवडीमध्ये प्राधान्य देण्यात येईल.

महसुल विभागाने गायरान व सीलिंगच्या जमिनीचे वाटप केलेल्या कुटुंबांना लाभ अनुज्ञेय नाही. या योजनेअंतर्गत जमिनीचे वाटप झाल्यानंतर संबंधित लाभ धारकाने स्वत: जमीन कसणे आवश्यक आहे. सदर जमिनीचे अन्य व्यक्तीस, संस्थेस हस्तांतर व विक्री करता येणार नाही तसेच लीजवर भाडेपट्ट्याने देता येणार नाही.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

CM Women Employment Scheme: बिहार सरकारच्या ‘मुख्यमंत्री महिला रोजगार योजनेतून महिलांना मिळणार १० हजार रुपये

Crop Insurance : पीकविम्याची थकित १६० कोटी भरपाई वाटप करा

Cashew Crop Insurance : विमा परताव्याची रत्नागिरीत ३६ हजार बागायतदारांना प्रतीक्षा

Illegal Fishing : अवैध मासेमारीला चालना मिळणार

Kadba Kutti Machine Scheme: शेतकऱ्यांना सरकारकडून कडबा कुट्टी मशीनवर मिळणार ५० टक्के अनुदान

SCROLL FOR NEXT