Agriculture Department News : कृषिसेवकांचे मानधन (Agriculture Assistant) ६ हजार रुपयांवरून १६ हजार रुपये करून त्यात वाढ करण्याबाबत महाराष्ट्र राज्य कृषी सहायक संघटनेने मागणी केली होती. ही मागणी मुख्य सचिवांच्या बैठकीत मान्य झाली होती.

मात्र मंत्रिमंडळ बैठकीत मंजुरी मिळावी, अशी संघटनेची मागणी होती. असे असताना राज्य शासनाच्या वतीने मंगळवारी (ता. ७) शिक्षणसेवकांच्या मानधनात वाढ करण्याबाबत शासननिर्णय झाला.

मात्र कृषिसेवकांची मागणी प्रलंबितच राहिली. त्यामुळे संघटनेच्या पदाधिकाऱ्यांमध्ये नाराजीचा सूर आहे.

प्राथमिक व उच्च प्राथमिक, माध्यमिक, उच्च माध्यमिक व कनिष्ठ महाविद्यालयातील शिक्षण सेवकांना अनुक्रमे १६, १८ व २० हजार रुपयांची मानधन वाढ दिली आहे.

ती १ जानेवारी २०२३ पासून लागू करण्यात येणार आहे. मात्र कृषी सेवकांना आश्वासन देऊन अद्याप वंचित ठेवले असल्याची चर्चा आहे.