Pune News : प्रतिकूल परिस्थितीत भरघोस उत्पादन घेत जागतिक बाजारपेठेपर्यंत मजल कशी मारायची, यावर ‘शेत हसल’ या कार्यक्रमातून मार्गदर्शन मिळणार आहे. ‘स्वयं टॉक्स’ आणि ‘ॲग्रोवन’तर्फे पुण्यातील किसान प्रदर्शनात १२ ते १४ डिसेंबर दरम्यान कृषिविषयक कार्यक्रमांचे आयोजन करण्यात आले आहे. शेती व्यवसायातील नामवंत तज्ज्ञांना, तुमच्या रोल मॉडेल्सना भेटण्याची तुम्हाला संधीही मिळणार आहे.

१२ डिसेंबर रोजी ४.३० ते ५.३० या वेळेत ‘ग्रामीण भागातील शेतीचा विकास’ या विषयावर मार्गदर्शन होणार आहे. पशुधन तज्ज्ञ डॉ. जयंत खडसे आणि शेती संशोधन तज्ज्ञ डॉ. प्रमोदकुमार ताकवले मार्गदर्शन करतील. ते ‘संकरित गो पैदास’ आणि ‘वाडी प्रकल्प’ यावर माहिती देणार आहेत.

सायंकाळी ५.३० ते ६.३० दरम्यान दुसरे सत्र ‘इंडियन फार्मर यू-ट्यूब चॅनेल’चे संस्थापक आकाश व संतोष जाधव घेणार आहेत. ‘शेती विकासासाठी सोशल मीडियाचा वापर कसा करावा?’ याविषयी ते बोलणार आहेत. त्यांच्याच जोडीला कुक्कुटपालन क्षेत्रातील

उद्योजक सौरभ तापकीर हा २३ वर्षांचा तरुण सोशल मीडियामधून आपले काम कसे पोहोचवत आहे, हे सांगणार आहे.

या कार्यक्रमात सहभागी होणाऱ्या तज्ज्ञ मंडळींना तुम्ही तुमच्या मनातील प्रश्‍न वा शंका विचारू शकता. म्हणूनच शेतकरी, कृषी अभ्यासक आणि कृषी प्रेमींसाठी हा कार्यक्रम नक्कीच पर्वणी ठरणार आहे. या कार्यक्रमात सहभागी होण्यासाठी दिलेल्या लिंकवर / QR Code स्कॅन करून नाव नोंदवावे. http://shethustle.kisan.in/