औरंगाबाद : येथील कृषी उत्पन्न बाजार समितीमध्ये गत पंधरवड्यात कांद्याच्या दरात सातत्याने वाढ होते आहे. दुसरीकडे गवारीच्या दरात चढ-उतार पाहायला मिळाले. सोमवारी (ता. २६) औरंगाबाद बाजार समितीमध्ये ५५१ क्‍विंटल आवक झालेल्या कांद्याला २००० ते २४०० रुपये प्रतिक्‍विंटल, तर १० क्‍विंटल आवक झालेल्या गवारीला ३००० ते ४००० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली. 

औरंगाबाद बाजार समितीमध्ये ६ ऑगस्टला ३४५ क्‍विंटल आवक झालेल्या कांद्याला ९०० ते १५०० रुपये प्रतिक्‍विंटलचा दर मिळाला, तर १० क्‍विंटल आवक झालेल्या गवारीला २५०० ते ३२०० रुपये प्रतिक्‍विंटलचा दर मिळाला. ८ ऑगस्टला ७६९ क्‍विंटल आवक झालेल्या कांद्याला १००० ते १७०० रुपये प्रतिक्‍विंटलचा दर मिळाला, तर ९ क्‍विंटल आवक झालेल्या गवारीचे दर ४००० ते ५००० रुपये प्रतिक्‍विंटल राहिले. १० ऑगस्टला ४१६ क्‍विंटल आवक झालेल्या कांद्याला १००० ते १६०० रुपये प्रतिक्‍विंटलचा दर मिळाला. १४  क्‍विंटल आवक झालेल्या गवारीचे दर ३००० ते ३५०० रुपये प्रतिक्‍विंटल राहिले. १४ ऑगस्टला कांद्याची आवक ४३२ क्‍विंटल झाली. या कांद्याला ९०० ते १५०० रुपये प्रतिक्‍विंटलचा दर मिळाला. ७ क्‍विंटल आवक झालेल्या गवारीचे दर ५००० ते ६००० रुपये प्रतिक्‍विंटल राहिले.

१९ ऑगस्टला ४३८ क्‍विंटल आवक झालेल्या कांद्याचे दर १००० ते २१०० रुपये प्रतिक्‍विंटल राहिले, तर १० क्‍विटंल आवक झालेल्या गवारीला ३५०० ते ४००० रुपये प्रतिक्‍विंटलचा दर मिळाला. २० ऑगस्टला ६४५ क्‍विंटल आवक झालेल्या कांद्याचे दर १२०० ते २२०० रुपये प्रतिक्‍विंटल राहिले, तर ९ क्‍विंटल आवक झालेल्या गवारीला ३००० ते  ४००० रुपये प्रतिक्‍विंटलचा दर मिळाला. २४ ऑगस्टला कांद्याची आवक ५२० क्‍विंटल, तर दर १७०० ते २६०० रुपये प्रतिक्‍वंटल राहिला. १८ क्‍विंटल आवक झालेल्या गवारीला ३००० ते ५००० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली.