सातारा ः येथील कृषी उत्पन्न बाजार समितीत बुधवारी (ता. २९) पावटा, गवारी, ढोबळी, कारल्याचे दर तेजीत होते. पावट्याची १० क्विंटल आवक झाली. पावट्यास ४०० ते ५०० रुपये प्रतिदहाकिलो असा दर मिळाला. पावट्याच्या दरात रविवारच्या (ता. २६) तुलनेत दहा किलो मागे शंभर रुपयांनी वाढ झाली असल्याची माहिती बाजार समितीच्या सूत्रांनी दिली.
बाजारसमितीत गवारीची तीन क्विंटल आवक झाली. गवारीस ३०० ते ४०० रुपये प्रतिदहाकिलो असा दर मिळाला. गवारीच्या दरात दहा किलोमागे शंभर रुपयांनी वाढ झाली. ढोबळी मिरचीची पाच क्विंटल आवक झाली. ढोबळी मिरचीस ३०० ते ३५० रुपये प्रतिदहाकिलो असा दर मिळाला. कारल्याची चार क्विंटल आवक झाली. कारल्यास ३०० ते ३५० रुपये प्रतिदहाकिलो असा दर मिळाला. ढोबळी मिरची व कारल्याच्या दरात दहा किलो मागे ५० रुपयांनी वाढ झाली.
टोमॅटोची १७ क्विंटल आवक झाली. टोमॅटोस २५० ते ३०० रुपये प्रतिदहाकिलो असा दर मिळाला. वाटाण्याची १६ क्विंटल आवक झाली. वाटाण्यास ४०० ते ५०० रुपये प्रतिदहाकिलो असा दर मिळाला. वांग्याची सात क्विंटल आवक झाली. वांग्यास १०० ते १५० रुपये प्रतिदहाकिलो असा दर मिळाला. भेंडीची दोन क्विंटल आवक झाली. भेंडीस २५० ते ३०० रुपये प्रतिदहाकिलो असा दर मिळाला. हिरवी मिरचीची नऊ क्विंटल आवक झाली. दहा किलो हिरव्या मिरचीस १०० ते १६० रुपये असा दर मिळाला.
वाल घेवड्याची पाच क्विंटल आवक झाली. वाल घेवड्यास २०० ते २५० रुपये प्रतिदहाकिलो असा दर मिळाला. कोबीची १७ क्विंटल आवक झाली. कोबीस १०० ते १५० रुपये प्रतिदहाकिलो असा दर मिळाला. फ्लॉवरची २७ क्विंटल आवक झाली. फ्लॉवरला ८० ते १०० रुपये प्रतिदहाकिलो असा दर मिळाला.
पालेभाज्यांमध्ये मेथीची २००० जुड्या आवक झाली. मेथीस शेकडा ४०० ते ५०० रुपये असा दर मिळाला. कोथिंबिरीची १५०० जुड्या आवक झाली असून कोथिंबीरीस शेकडा ३०० ते ४०० रुपये असा दर मिळाला.