मुंबई ः राज्यातून माॅन्सून परतला असून, दिवाळी आणि सणासुदीत बाजार समितीमधील आवक घटल्याने कमी प्रतीच्या शेतमालाचेही दर मात्र वाढले आहेत. बुधवारी (ता. २५ ) बाजार समितीत ५५० ट्रक भाजीपाला आवक झाल्याची माहिती बाजार समितीच्या सूत्रांनी दिली. मंगळवारी (ता.२४) बाजार समितीमध्ये लसणाची ४८० क्विंटल आवक झाली. त्यास २६०० ते ४६०० व सरासरी ३६०० रुपये प्रतिक्विंटल इतका दर होता. राज्यातील पावसाने उसंत घेतली असली तरी शेतमालाची स्थानिक आवक घटली आहे. पावसाने खराब झालेल्या शेतमालासह परराज्यांतून शेतमालाची आवक सुरू आहे. मंगळवारी १७९२० क्विंटल कांदा आवक होऊन दर रुपये त्यास ३००० ते ३८०० व सरासरी ३४०० रुपये प्रतिक्विंटल दर होते. बटाट्याची ११४०० क्विंटल आवक होऊन ६०० ते १२०० व सरासरी ९०० रुपये प्रतिक्विंटल दर होते. वांग्याचे दरदेखील वाढले असून टॉमेटोसह गाजर, कोबी, फ्लॉवरसह इतर भाज्यांचे मागील आठवड्याच्या तुलनेत वाढले आहेत. वाशीतील बाजार समितीत लिंबाची १९१५ क्विंटल आवक होऊन ८० ते १४० रुपये प्रतिशेकडा भाव मिळाला. वाटाण्याची ४४२ क्विंटल आवक होऊन त्यास ९००० रुपये दर मिळाला, असे येथील व्यापारी नानासाहेब बोरकर यांनी सांगितले. टोमॅटोला प्रतिक्विंटल २३०० रुपयांपर्यंत दर होते. मिरचीची २९९० क्विंटल आवक होऊन सरासरी दर ३८०० रुपयांपर्यंत दर होता.  बाजार समितीतील शेतमालाची आवक व दर (प्रतिक्विंटल/रुपये)