जळगाव : कृषी उत्पन्न बाजार समितीमध्ये भेंडीची शुक्रवारी (ता.२८) १८ क्विंटल आवक झाली. तिला प्रतिक्विंटल १५०० ते ३००० व सरासरी २२०० रुपये दर मिळाला. भेंडीची आवक जळगाव जिल्ह्यातील धरणगाव, एरंडोल, पाचोरा व जळगाव भागातून होत आहे. 

बाजारात शुक्रवारी बोरांची १३ क्विंटल आवक झाली. त्यांना प्रतिक्विंटल ७०० ते १५०० व सरासरी १२०० रुपये दर होता. शेवग्याची तीन क्विंटल आवक झाली. त्यास प्रतिक्विंटल ३००० रुपये दर मिळाला. लिंबूची ११ क्विंटल आवक, तर दर १२०० ते २००० व  सरासरी १६००, पपईची १० क्विंटल आवक, तर दर ८०० ते १२०० व सरासरी १०००, पेरूची सात क्विंटल आवक, तर दर १२०० ते १६०० व सरासरी १४००, आल्याची २०० क्विंटल आवक, तर दर २००० ते ४५०० व सरासरी ३०००, बटाट्याची ४०० क्विंटल आवक, तर दर ३०० ते ६०० व सरासरी ४००, कोबीची १६ क्विंटल आवक, तर दर १०० ते १५०० व सरासरी १२०० रुपये दर मिळाला. गाजरांची २० क्विंटल आवक झाली. त्यांना प्रतिक्विंटल ८०० ते १००० व सरासरी ९०० रुपये दर होता.

गवारची तीन क्विंटल आवक झाली. गवारीला प्रतिक्विंटल ३००० रुपये दर मिळाला. लाल कांद्याची चार हजार क्विंटल आवक झाली. त्याला प्रतिक्विंटल २५० ते ६२५ व सरासरी ४०० रुपये दर मिळाला. कारल्यांची दोन क्विंटल आवक, तर दर ३०००, कोथिंबिरीची २५ क्विंटल आवक, तर दर १५०० ते २५०० व सरासरी २०००, मेथीची १० क्विंटल आवक, तर दर १००० ते २००० व सरासरी १५००, पालकची चार क्विंटल आवक, तर दर१००० ते १५०० व सरासरी १२०० रुपये दर मिळाला. हिरव्या मिरचीची ४५ क्विंटल आवक झाली. तिला प्रतिक्विंटल १२०० ते १८०० व सरासरी १५०० रुपये दर होता.