जळगाव : कृषी उत्पन्न बाजार समितीत बुधवारी (ता. १५) आल्याची १८ क्विंटल आवक झाली. त्यास प्रतिक्विंटल २४०० ते ४८०० रुपये दर मिळाला. आवक औरंगाबाद, मध्य प्रदेश, यावल परिसरांतून होत आहे. आवक स्थिर असून, दरही टिकून आहेत. 

बाजारात भरताच्या वांग्याची ३१ क्विंटल आवक झाली. दर प्रतिक्विंटल १२०० ते १८०० रुपयांपर्यंत मिळाले. शेवग्याची दीड क्विंटल आवक झाली. शेवगा शेंगांना प्रतिक्विंटल १९०० ते २५०० रुपये दर मिळाला. हिरव्या मिरचीची ३१ क्विंटल आवक झाली. मिरचीला प्रतिक्विंटल १२०० ते २००० रुपये दर मिळाला.

बीटला प्रतिक्विंटल १५०० ते २२०० रुपये दर मिळाला. लिंबांची पाच क्विंटल आवक झाली. त्यांना प्रतिक्विंटल ७०० ते १२०० रुपये दर होता. गवारीची अडीच क्विंटल आवक झाली. दर प्रतिक्विंटल १८०० ते ४२०० रुपये मिळाला. बटाट्याची २५० क्विंटल आवक झाली. त्यास प्रतिक्विंटल १३०० ते १८०० रुपये दर होता. 

डाळिंबांची २० क्विंटल आवक झाली. त्यास प्रतिक्विंटल २६०० ते ५४०० रुपये दर मिळाला. बीटची सहा क्विंटल आवक झाली. पालकाची दोन क्विंटल आवक झाली. दर प्रतिक्विंटल १२०० रुपये मिळाला. गाजराची आठ क्विंटल आवक झाली. त्यास प्रतिक्विंटल १००० ते १८००० रुपये दर मिळाला. भेंडीची १६ क्विंटल आवक झाली. दर प्रतिक्विंटल १२०० ते १८०० रुपये मिळाला. 

टोमॅटोला १३०० ते १९०० रुपये

टोमॅटोची १५ क्विंटल आवक झाली. दर प्रतिक्विंटल १३०० ते १९०० रुपये मिळाला. कोबीची २० क्विंटल आवक झाली. दर प्रतिक्विंटल ११०० ते २००० रुपये मिळाला. काटेरी, लहान वांग्यांची २५ क्विंटल आवक झाली. प्रतिक्विंटल ७०० ते १३०० रुपये दर मिळाला. कोथिंबिरीची नऊ क्विंटल आवक झाली. ५०० ते ११०० रुपये प्रतिक्विंटलचा दर मिळाला. मेथीची आठ क्विंटल आवक झाली. मेथीस प्रतिक्विंटल ६०० ते १००० रुपये दर होता.

ताज्या बाजार भावासाठी क्लिक करा