Jowar Cultivation Agrowon
ताज्या बातम्या

Jowar Cultivation : उन्हाळी हंगामात ज्वारी लागवडीकडे कल

सध्या गव्हापेक्षा ज्वारी खाण्याकडे शहरी नागरिकांचा कल वाढलेला आहे.

Team Agrowon

Buldana News : गेल्या काही वर्षांत विविध कारणांमुळे शेतकऱ्यांनी ज्वारी पिकाकडे (Jowar Crop) पाठ फिरवली होती. मात्र आता पुन्हा खरीपाऐवजी रब्बी, उन्हाळी हंगामात (Summer Season) ज्वारी लागवडीकडे (Jowar Sowing) कल निर्माण होत असल्याचे दिसून येत आहे.

या वर्षात रब्बीत सुमारे सव्वासहाशे हेक्टर, तर आता उन्हाळी हंगामात साडेतीनशे हेक्टरवर ज्वारीची लागवड झाल्याचे आशादायी चित्र आहे. कृषी विभागाने (Agricultural Department) केलेल्या जनजागृतीला शेतकऱ्यांनी सकारात्मक प्रतिसाद दिला आहे.

सध्या गव्हापेक्षा ज्वारी खाण्याकडे शहरी नागरिकांचा कल वाढलेला आहे. त्यामुळेच गव्हाच्या तुलनेत बाजारात ज्वारी महाग विकत आहे. तसेच पशुधन पालन करणाऱ्यांना चाऱ्याची टंचाई भेडसावत आहे. चाऱ्याचा प्रश्‍न दिवसेंदिवस बिकट झालेला आहे.

शिवाय वन्यजीवांनाही अतोनात त्रास व्हायचा. पूर्वी ज्वारीचे क्षेत्र अधिक राहत असल्याने चारा टंचाई भेडसावत नव्हती. आता पुन्हा शेतकरी चाऱ्याच्या उद्देशाने ज्वारीकडे वळू लागले. त्यामुळेच तालुक्यात रब्बीत सुमारे साडेसहाशे हेक्टरपर्यंत लागवड झाली होती.

ज्वारीचे क्षेत्र वाढले, तर त्याचे सामूहिक नियोजन करणे शक्य होते. आता उन्हाळी हंगामातही शेतकऱ्यांनी ज्वारी लागवडीसाठी पुढाकार घेतला. त्यामुळे साडेतीनशे हेक्टरपर्यंत पेरणी झाली. तालुक्यात सिंचनाच्या सोयीसुविधा गावोगावी असल्याने येत्या काळात आणखी वाढण्याची शक्यता आहे.

शासनाने यंदा तृणधान्य वर्ष जाहीर केले आहे. आहारात ज्वारी, बाजरीचा वापर वाढविण्याचे प्रयत्न होत आहेत. तालुक्यात यंदा रब्बी हंगामात ६२४ हेक्टर आणि आता उन्हाळी हंगामात ३५० हेक्टरवर पेरणी झाली आहे. ज्वारी लागवडीबाबत शेतकऱ्यांमध्ये जनजागृती करण्यात आली. ज्वारीला असलेली मागणी पाहता तसेच चाऱ्याच्या उद्देशाने ही लागवड वाढली आहे.
अमोल बनसोडे, तालुका कृषी अधिकारी, संग्रामपूर, जि. बुलडाणा

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Manjara Dam: ‘नॅचरल’च्या वतीने मांजरा धरणातील पाण्याचे जलपूजन

Bioenergy Award: विस्मा तर्फे ‘श्री गुरुदत्त’ला उत्कृष्ट बायोएनर्जी उत्पादक पुरस्कार

Solar Energy Project: सौर ऊर्जा प्रकल्प उभारणार: अध्यक्ष मानसिंगराव नाईक

Animal Feed : चारा-पाण्याचा प्रश्न खानदेशात सुटण्याचे संकेत

Cotton Crop Disease: लाखेगाव, अलीपुरातील कपाशी पिकावर ‘मर’ रोगाचा फटका

SCROLL FOR NEXT