Rain Update  Agrowon
ताज्या बातम्या

Rain Update : श्रावणातील पाऊस गेला कुठे?

Monsoon Rain News : आठवडाभरापासून कडक ऊन पडत असल्याने विक्रमगड परिसरात ऑक्टोबर हिटसारखी स्थिती पाहायला मिळत आहे.

Team Agrowon

Palghar News : आठवडाभरापासून कडक ऊन पडत असल्याने विक्रमगड परिसरात ऑक्टोबर हिटसारखी स्थिती पाहायला मिळत आहे. त्यामुळे ‘श्रावणात रिमझिम बरसणारा पाऊस गेला कुठे’, असा सवाल शेतकऱ्यांमधून उपस्थित होत आहे.

गेल्या आठवडाभरापासून कडक ऊन पडत असून पावसाने पाठच फिरविली आहे. कडक उन्हामुळे पिकालाही हानी पोहचण्यास सुरुवात झाली आहे. जे काही शेतात पावसाचे पाणी टिकून होते, ते कडक उन्हाने आटून गेले आहे. अशीच परिस्थिती राहिल्यास भात रोपे पाण्याअभावी सुकून जाण्याची भीती व्यक्त होत आहे. पावसाने पाठ फिरविल्याने कडक ऊन पडत आहे.

शेतकरीवर्ग चिंताग्रस्त

शेतकऱ्यांनी भात पिकाची लागवड केल्यानंतर पावसाने दडी मारल्याने अनेक शेतांत पाण्याअभावी भेगा पडायला लागल्या आहेत, तर काही ठिकाणी भात रोपे सुकू लागली आहेत. अशीच परिस्थिती चार ते पाच दिवस राहिल्यास भात पिकाची रोपे पाण्याअभावी सुकून जाण्याची शक्यता शेतकरी वर्तवत आहेत.

भाज्यांचे दर वधारले

श्रावण महिन्यात साहजिकच शाकाहाराला ग्रामीण भागात महत्त्व देण्यात येते. ग्रामीण भागात पौष्टिक रानभाज्यांची मेजवानी मिळत असली तरी नेहमीच्या बाजारी भाज्यांचे दर वाढले आहेत. भेंडी, फ्लॉवर, शेवगा शेंग, शिमला मिरची प्रतिकिलो १०० ते १२० रुपये दराने विकली जात आहे. मात्र २६० प्रतिकिलो दराने असणारे चिकन आता १६० ते २०० रुपयांवर आले आहे.

श्रावणात रिमझिम बसणाऱ्या धारा बरसत नसल्या तरी हिरवाईने सौंदर्य खुलले आहे. श्रावण सरींची शेतकऱ्यांना प्रतीक्षा आहे.
- रणजित सांबरे, नागरिक, विक्रमगड
गेल्या सात-आठ दिवसांपासून कडक ऊन पडत असल्याने शेतात पावसाचे पाणी टिकून होते, ते कडक उन्हाने आटून गेले आहे. अशीच परिस्थिती चार ते पाच दिवस राहिल्यास पाण्याअभावी भात रोपे सुकून जातील.
- ज्ञानेश्वर गजानन जाधव, शेतकरी, ओंदे

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Land Fragmentation Act: शहरी भागात तुकडेबंदी कायदा रद्द करण्याची महसूल मंत्री बावनकुळे यांची विधानसभेत घोषणा

QR Code For fertilizer: ‘क्यूआर कोड’वरून कळणार उपलब्ध खते

Bridge For Ghanegar: साकवावरून जीवघेणा प्रवास

Dahanu Floods: डहाणूमध्ये सूर्या नदीला पूर; सतर्कतेचा इशारा

Tree Plantation: दहा हजार वृक्ष लागवडीचा संकल्प

SCROLL FOR NEXT