अकोला ः या भागात सार्वत्रिक पावसाचा जोर (Rain Intensity) कमी झालेला असला तरी मागील २४ तासांत मराठवाड्याला लागून असलेल्या बुलडाणा जिल्ह्यातील काही तालुक्यांमध्ये दमदार पाऊस Heavy Rainfall) झाला. आधीच सततच्या पावसाने सोयाबीन काढणीवर (Soybean Harvesting Affected By Rain) परिणाम झाला होता. आता या पावसाने सोयाबीन उत्पादकांची (Soybean Farmer) चिंता वाढवली आहे.

गेल्या २४ तासांत बुलडाणा जिल्ह्यातील देऊळगावराजा, सिंदखेडराजा, लोणार, मेहकर या तालुक्यात सर्वदूर पाऊस झाला. हिरडव मंडलात तर तब्बल ११७ मिलिमीटर पावसाची नोंद झाली आहे.

याशिवाय सुलतानपूर ६६.८, लोणार ४२, अंजनी खुर्द ३३.५, बिबी २९, टिटवी ३०.३ सिंदखेडराजा तालुक्यात सिंदखेडराजा ६६, किनगावराजा २९.८, मलकापूर पांगरा २९, दुसरबीड १८.८, सोनोशी ४०.५, शेंदुर्जन ४२.३, साखरखेर्डा ३२.५, देऊळगावराजा ४८.३, देऊळगावराजा ग्रामीण ५२, तुळजापूर ५२, मेहुणाराजा ४७.२, अंढेरा २१.८, देऊळगावराजा ४४.३, मेहकर २६, जानेफळ ५०, हिवरा आश्रम ३९.५, शेलगाव देशमुख २७.५, डोणगाव १६.८, देऊळगावमाळी ५१.८, वरवंड २०.३, लोणी २७.५, अंजनी बुद्रूक १६.८ नायगाव दत्तापूर २६ मिलिमीटर असा पाऊस झालेला आहे.

सोमवारी (ता.१७) सकाळीही पावसाने ठिकठिकाणी हजेरी दिली. सध्या प्रामुख्याने सोयाबीनचा हंगाम शिगेला आलेला असून पावसाने नुकसान होत आहे. उर्वरित तालुक्यात पावसाने उघडीप दिली.