परभणी ः वसंतराव नाईक मराठवाडा कृषी विद्यापीठातील (Agricultural University) कृषी अभियांत्रिकी व तंत्रज्ञान महाविद्यालयाचे विद्यार्थी विशाल कुलकर्णी, अभयराज परमार आणि सिद्धानाथ बिरादार यांची कृषिथॉन गुणवंत विद्यार्थी पुरस्काराकरिता निवड झाली आहे. ह्यूमन सर्व्हिस फाउंडेशन व मीडिया एक्झिबिटर्स प्रा. लि. यांच्यातर्फे या पुरस्काराचे वितरण केले जाते.

कुलगुरू डॉ. इंद्र मणि, शिक्षण संचालक डॉ. धर्मराज गोखले, सहयोगी अधिष्ठाता व प्राचार्य डॉ. उदय खोडके, समन्वय अधिकारी डॉ. प्रमोदिनी मोरे आदींसह विभाग प्रमुख व प्राध्यापक यांनी विद्यार्थ्यांचे अभिनंदन केले.

कृषी क्षेत्रात शिक्षण घेत असताना कृषी विस्तार, कृषी संशोधन, सामाजिक ग्रामविकास आदी क्षेत्रात सक्रिय सहभाग घेणाऱ्या विद्यार्थ्यांचा गौरव केला जातो. युवकांचा कृषी क्षेत्रातील सहभाग वृद्धिंगत व्हावा या उद्देशाने गुणवंत विद्यार्थ्यांचा गौरव केला जातो.