महाड : रायगड जिल्ह्यातील सर्व १५ तालुक्यांतील २४० ग्रामपंचायतींच्या सदस्यपदांसह थेट सरपंचपदाच्या निवडणुका (Gram Panchayat Election) १८ डिसेंबरला होत आहेत. त्यासाठी उमेदवारी अर्ज (Nomination For Gram Panchayat) दाखल करण्यात येत आहेत. निवडणुकांसाठी पारंपरिक पद्धतीने म्हणजेच ऑफलाईन अर्ज सादर करण्याची मुभा देण्यात आली आहे.
शिवसेनेत फूट पडल्याने इच्छुकांचीही संख्या वाढली आहे. अनेक ठिकाणी महाविकास आघाडी विरोधात शिवसेना शिंदे गटाची लढत होणार आहे. २४० ग्रामपंचायतींमध्ये महाड तालुक्यात सर्वाधिक ७३ ग्रामपंचायतींच्या निवडणुका होत आहेत.
या शिवाय अलिबाग तालुक्यातील ६, उरण १८, कर्जत ७, खालापूर १४, तळा १, पनवेल १०, पेण २६, पोलादपूर १६, माणगाव १९, मुरूड ५, म्हसळा १३, रोहा ५, श्रीवर्धन १३, सुधागड १४ ग्रामपंचायतींच्या निवडणुका होत आहेत. यासाठी अर्ज सादर करण्याची मुदत २ डिसेंबर सायंकाळी ५.३० पर्यंत वाढविण्यात आली आहे.
राज्य निवडणूक आयुक्तांचे निर्देश
मुरूड : ग्रामपंचायतींच्या सदस्यपदांसह थेट सरपंच पदाच्या निवडणुकांसाठी पारंपरिक पद्धतीने (ऑफलाईन) नामनिर्देशनपत्र सादर करण्याची मुभा देण्यात आली आहे. नामनिर्देशनपत्र सादर करण्याची मुदत २ डिसेंबरपर्यंत सायंकाळी ५.३० पर्यंत वाढविण्यात आल्याची माहिती राज्य निवडणूक आयुक्त यू.पी. एस. मदान यांनी नुकतीच दिली.
९ नोव्हेंबर रोजी राज्यातील ७ हजार ७५१ ग्रामपंचायतींच्या सार्वत्रिक निवडणुकांची घोषणा केली होती. त्यानुसार २ डिसेंबरपर्यंत ऑनलाईनबरोबरच ऑफलाईन उमेदवारी अर्ज दाखल करता येणार असल्याचे उपजिल्हाधिकारी सर्जेराव मस्के-पाटील यांनी स्पष्ट केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.