Maharashtra Rain News : हवामान विभागाने आज मराठवाडा, मध्य महाराष्ट्र आणि कोकणातील काही भागांमध्ये पावसाचा अंदाज दिला होता. काही ठिकाणी हलक्या ते मध्यम सरी पडल्या तर काही ठिकाणी ढगाळ वातावरण होते. हवामान विभागाने पुढील पाच दिवसांमध्ये राज्याच्या काही भागात हलक्या, मध्यम ते जोरदार सरींचा अंदाज दिला.

हवामान विभागाने आज मध्य महाराष्ट्रातील पुणे, सातारा, सोलापूर, सांगली आणि नगर जिल्ह्यात काही ठिकाणी जोरदार पावसाचा येलो अलर्ट दिला होता. तर मराठवाड्यातील बीड, धारिशिव, लातूर आणि नांदेड तसेच कोकणातील सिंधुदुर्ग जिल्ह्यात येलो अलर्ट होता. काही ठिकाणी हलक्या ते मध्यम सरी पडल्या. तसेच राज्याच्या इतर भागात काही ठिकाणी हलक्या सरी झाल्या. पण जोरदार पाऊस नव्हता.

हवामान विभागाने उद्या म्हणजेच गुरुवारी मराठवाडा, कोकण, मध्य महाराष्ट्र आणि खानदेशत ठिकठिकाणी विजांसह हलक्या सरी पडतील, असा अंदाज दिला. तर शुक्रवारपासून विदर्भात पावसाचा जोर वाढण्याचा अंदाज आहे. विदर्भातील अमरावती, यवतमाळ, वर्धा, नागपूर, चंद्रपूर, गडचिरोली, भंडारा आणि गोंदीया या जिल्ह्यांसाठी शुक्रवार आणि शनिवार काही ठिकाणी जोरदार पावसाचा येलो अलर्ट देण्यात आला.

शुक्रवारी मराठवाडा आणि मध्य महाराष्ट्रातील सर्वच जिल्ह्यांमध्ये काही ठिकाणी विजांसह हलक्या सरी पडतील, असाही अंदाज हवामान विभागाने दिला. शनिवारी सांगली, सोलापूर, धाराशिव, लातूर, नांदेड, परभणी आणि हिंगोली जिल्ह्यात कही ठिकाणी विजांसह लहलका सरी पडतील, असाही अंदाज हवामान विभागाने दिला.