Shivrajyabhishek Din 2023 : किल्ले रायगडावर आज तारखे प्रमाणे ३५० वा शिवराज्यभिषेक सोहळा साजरा केला जात आहे. यानिमित्ताने विविध कार्यक्रमांचे आयोजन करण्यात आले असून गडावर अडीच लाख शिवभक्त जमले आहेत. प्रचंड गर्दीमुळे गडाचा दरवाजा बंद करण्यात आला.

राजगडावर राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासह अनेक मंत्री, खासदार, आमदारांच्या उपस्थितीत २ जून रोजी तिथीप्रमाणे ३५० वा शिवराज्याभिषेक सोहळा झाला होता. यानिमित्त १ ते ६ जून रोजी दरम्यान विविध कार्यक्रमांचे आयोजन करण्यात आले होते. आज, मंगळवारी राजगडावर तारखेनुसार शिवराज्यभिषेक सोहळा साजरा होत आहे.  

शिवराज्याभिषेक सोहळ्याच्या सांगता समारंभासाठी राजगडावर शिवभक्तांची अलोट गर्दी झाली आहे. त्यामुळे प्रशासनावर प्रचंड ताण आला आहे. प्रशासनाने गडाचे दरवाजे बंद केले आहेत. तसेच करण्यात आला आहे. यामुळे अनेकांना गडाच्या दारवाज्यावरून माघारी फिरावे लागल्याने काही शिवभक्त नाराज झाले. वर जाण्यासाठी खाली असलेल्या नागरिकांनी घाई करू नये असं आवाहन छत्रपती संभाजीराजे यांनी केलं आहे.

गडावर गर्दी वाढू नये यासाठी रोप वे देखील बंद करण्यात आला आहे. यामुळे अनेक नागरिकांना परत जावे लागले. गडाच्या खाली देखील हजारो शिवभक्त अद्याप गडावर जाण्याच्या प्रतीक्षेत आहेत. वाहनांना गडापर्यंत जाण्यास पहाटेपासून पोलिसांनी थांबवले आहे.