आज आपण सोयाबीन, कापूस, तूर, सरकी आणि हळद बाजाराची माहिती घेणार आहोत.सोयाबीनमध्ये वाढदेशातील बाजारात सोयाबीनचा भाव आज काहीसा स्थिरवला होता. सोयाबीनला बाजारात सध्या मिळणारा भाव हमीभावापेक्षा अधिक आहे. देशातील बहुतांशी बाजारांमध्ये सोयाबीन ५ हजार २०० ते ५ हजार ५०० रुपयांच्या दरम्यान विकाले जात आहे. बाजारातील सोयाबीनची आवक कमीच आहे. तर प्रक्रिया प्लांट्सची खरेदी चांगली सुरु आहे. प्रक्रिया प्लांट्सचे सोयाबीन खरेदीचे भाव ५ हजार ८०० ते ६ हजारांच्या दरम्यान आहेत. सोयाबीनला सध्या चांगली मागणी आहे. त्यामुळे सोयाबीनचे भाववाढीसाठी पोषक हवामान आहे, असा अंदाज सोयाबीन बाजारातील अभ्यासकांनी व्यक्त केला आहे. .कापूस स्थिरावलादेशातील बाजारात कापसाला मिळणारा भाव टिकून आहे. कापसाला सध्या बाजारात ८ हजार ते ८ हजार ३०० रुपयांच्या दरम्यान भाव मिळत आहे. हमीभावाने कापसाची खरेदी थांबली आहे. सीसीआयने आतापर्यंत ८७ लाख गाठी कापसाची खरेदी हमीभावाने केली आहे. तसेच सीसीआय कापसाची विक्रीही करत आहे. त्यामुळे कापूस बाजार स्थिरावला आहे. सरकीचे भावही टिकून आहेत. पुढील काही दिवस कापसाचा बाजार स्थिर राहू शकतो, असा अंदाज कापूस बाजारातील अभ्यासकांनी व्यक्त केला आहे. .Agrowon Podcast: कापूस दर टिकून; सोयाबीन दरात वाढ, गाजराचे दर कायम, भेंडीची आवक कमी तर मोसंबी आवक कमी.तुरीच्या भावात तेजी देशातील बाजारात तुरीच्या भावात मागील दोन आठवड्यांमध्ये चांगली तेजी आली आहे. तुरीचे भाव हमीभावाच्या पुढे सरकले आहेत. यंदा देशात तुरीचे उत्पादन घटले आहे. तसेच सरकारही हमीभावाने खरेदी करणार आहे. तर बाजारात गुणवत्तापूर्ण मालाची टंचाई कायम आहे. याचा आधार दराला मिळाला. तुरीचे भाव सध्या बहुतांशी बाजारात ८ हजार ते ८ हजार ५०० रुपयांच्या दरम्यान आहेत. तुरीची बाजारात आवकही वाढलेली आहे. तुरीचे भाव यंदा टिकून राहण्यास पोषक स्थिती आहे. त्यामुळे तुरीचे भाव टिकून राहतील, असा अंदाज तूर बाजारातील अभ्यासकांनी व्यक्त केला आहे. .Agrowon Podcast: आल्याचा भाव टिकून ; सोयाबीन भाव वाढले, कापूस दर टिकून, गाजराची आवक सुधारली तर पपईला उठाव.सरकीचे भाव टिकूनदेशात यंदा सरकीचे उत्पादन कमी झाले आहे. तसेच पहिल्या दोन वेचण्यांचा कापूस पावसात भीजला. त्यामुळे सरकीची गुणवत्ताही कमी आली होती. परिणामी देशात पुरवठा कमी आहे. याचा आधार भावाला मिळत आहे. सरकीचे भाव गेल्या दोन महिन्यांमध्ये चांगलेच वाढले आहेत. सध्या सरकीला प्रतिक्विंटल सरासरी ४ हजार ते ४ हजार २०० रुपये भाव मिळत आहे. सरकीचा पुरवठा पुढील काळातही कमीच राहणार आहे. मात्र सरकीला मागणी चांगली आहे. यामुळे सरकीचे भाव टिकून राहतील, असा अंदाज अभ्यासकांनी व्यक्त केला आहे. .हळद टिकूनदेशातील बाजारात हळदीचे भाव मागील काही आठवड्यांपासून टिकून आहेत. हळदीला मागणी चांगली आहे. तर पुरवठा सध्या बाजारात कमी आहे. लग्नसराई आणि निर्यातीसाठी उठाव मिळत आहे. त्यामुळे बाजारात सध्या हळद प्रतिक्विंटल सरासरी १५ हजार ते १७ हजार रुपयाने विकली जात आहे. नव्या हळदीची बाजारातील आवक वाढेपर्यंत हळदीला चांगला उठाव राहणार आहे. कारण बाजारातील आवक कमी आणि मागणी चांगली राहील. तोपर्यंत हळदीच्या भावात काहीशी सुधारणा अपेक्षित आहे, असा अंदाज हळद बाजारातील अभ्यासकांनी व्यक्त केला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
