Agri Economy: केंद्र शासनाच्या हमीभावामार्फत जिल्ह्यातील प्रमुख पीक बनलेल्या मकाच्या खरेदीचा या वर्षी शेतकऱ्यांना चांगला फायदा झाला आहे. विशेष म्हणजे जिल्ह्यात खरेदी झालेल्या मकापैकी सर्वाधिक खरेदी एकट्या येवल्यातून झाली असून, सुमारे ८०० शेतकऱ्यांची ४० हजार क्विंटल मका खरेदी झाली आहे. खासगी बाजारभावाचा विचार करता हमीभाव सुमारे ६०० ते ७०० रुपये जास्त असल्याने या शेतकऱ्यांच्या सुमारे तीन कोटींचा फायदा झाला आहे..जिल्ह्यात मक्याची लागवड मोठ्या प्रमाणात वाढली मात्र मक्याचा भाव घसरलेला आहे. मक्याचा हमीभाव प्रति क्विंटल २ हजार ४०० रुपये असताना बाजारात १६०० ते १७०० रुपये मिळत आहे. फेब्रुवारीच्या पहिल्या आठवड्यात अमेरिकेतून डीडीजीएस आयातीमुळे भाव ४०० रुपयांपर्यंत नरमले आहे. सध्या मका उत्पादकांना हमीभावापेक्षा ७०० ते ८०० रुपये कमी भाव मिळत आहे. मुळात या वर्षी सुरुवातीपासूनच भावात घसरण होती, त्यामुळे शेतकऱ्यांनी रात्रीचा दिवस करून खरेदी केंद्रावर रांगा लावून ऑनलाइन नाव नोंदणी केली आहे. सध्या टप्प्याटप्प्याने खरेदी सुरू असून, अजूनही निम्म्याहून शेतकरी प्रतीक्षेत आहे..Maize Procurement: 'इथेनॉल'साठी मक्याची हमीभावाने खरेदी केली जाते का?, मंत्री भुजबळांचा मोठा खुलासा.राज्य पणन महासंघ, जिल्हा पणन कार्यालयामार्फत येवला तालुका सहकारी खरेदी विक्री संघ सबएजंट म्हणून खरेदी करत आहेत. मका ऑनलाइन नोंदणी २९ नोव्हेंबर ते ३१ जानेवारीपर्यंत सुरू होती. यादरम्यान येथे २ हजार १६४ शेतकऱ्यांनी नाव नोंदणी केली आहे. मका खरेदीला २४ डिसेंबरला सुरुवात झाली असून, ३१ मार्च अंतिम मुदत आहे. प्रारंभी शासनाने येवल्याला पाच हजार क्विंटलचे उद्दिष्ट या केंद्राला दिले. त्यानंतर दोनदा उद्दिष्ट वाढल्याने ४८ हजार ४०० क्विं. उद्दिष्ट असल्याने खरेदी सुरळीत सुरू आहे..Maize Procurement: राज्यात गोदामांची अडचण, मक्याची उद्दिष्टाच्या निम्मी खरेदी.चार कोटी जमा..खरेदी झालेल्या मकाचे महिना-पंधरा दिवसांत शासनाकडून पैसे जमा होतात. या वर्षी पहिल्या टप्प्यात ८० शेतकऱ्यांचे एक कोटी जमा झाले होते. नंतर रक्कम लांबल्याने प्रतीक्षेची वेळ आली होती. मात्र शुक्रवारी (ता. २०) सुमारे तीन कोटींची रक्कम जमा झाली आहे. आतापर्यंत खरेदी झालेल्या ७९५ शेतकऱ्यांपैकी ३६४ शेतकऱ्यांचे ४ कोटी पेमेंट खात्यावर वर्ग झाले आहे..मंत्री भुजबळांमुळे सर्वाधिक खरेदी..या वर्षी जिल्ह्यात सर्वाधिक मका उत्पादन येवल्यात झाले आहे. सर्वाधिक शेतकऱ्यांनी नोंदणी ही येथेच केली. विक्रमी उत्पादन निघाल्याने येवल्यात जास्तीत जास्त मका खरेदी व्हावी यासाठी मंत्री छगन भुजबळ व माजी खासदार समीर भुजबळ यांनी सातत्याने पाठपुरावा केला. यामुळे जिल्ह्याला तसेच या केंद्रालाही वेळोवेळी खरेदीचे उद्दिष्ट वाढवून मिळाले आहे..आकडे बोलतात...एकूण शेतकरी नोंदणी : २१६४खरेदी झालेली शेतकरी संख्या : ७९५एकूण उद्दिष्ट : ४८,४०० क्विंटलआजपर्यंत खरेदी : ३९,९०० क्विंटलशिल्लक उद्दिष्ट : ८,५०० क्विंटल३६४ शेतकऱ्यांचे ४ कोटी खात्यावर जमा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
