Agriculture Technology: महिला शेतकरी या आजच्या कृषी व्यवस्थेतील अविभाज्य घटक आणि कृषी क्षेत्राला ऊर्जा देणारा महत्त्वाचा स्रोत आहेत. त्यांच्या कृषी क्षेत्रातील योगदानामुळे कोणत्याही कृषी तंत्रज्ञानाचा प्रसार आणि प्रशिक्षण देताना महिला शेतकऱ्यांना अग्रस्थानी ठेवणे आवश्यक असल्याचे प्रतिपादन वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणी यांनी केले..वसंतराव नाईक मराठवाडा कृषी विद्यापीठ, परभणी अंतर्गत कृषी विज्ञान केंद्र, छत्रपती संभाजीनगर आणि स्वयम शिक्षण प्रयोग यांच्या संयुक्त विद्यमाने आंतरराष्ट्रीय महिला शेतकरी वर्ष-२०२६ निमित्त मंगळवारी (ता. २८) पैठण रोड येथील कृषी विज्ञान केंद्रात महिला शेतकरी मेळाव्याचे आयोजन करण्यात आले होते. कार्यक्रमाच्या अध्यक्षस्थानी कुलगुरू डॉ. इंद्र मणी हे ऑनलाइन माध्यमातून उपस्थित राहून मार्गदर्शन करत होते..Women Empowerment: महिला शेतकरी सक्षमीकरण विधेयक : प्रभावी अंमलबजावणीची गरज.यावेळी जिल्हा परिषदेच्या मुख्य कार्यकारी अधिकारी मिन्नू पी. एम., विस्तार शिक्षण संचालक डॉ. राकेश अहिरे, सहयोगी संशोधन संचालक डॉ. सूर्यकांत पवार, कृषी विकास अधिकारी प्रकाश पाटील, कृषी विज्ञान केंद्राच्या कार्यक्रम समन्वयक डॉ. दीप्ती पाटगावकर आदी उपस्थित होते..डॉ. इंद्र मणी म्हणाले, की आधुनिक तंत्रज्ञानाचा स्वीकार, कौशल्य विकास आणि संघटित प्रयत्नांच्या माध्यमातून महिला शेती अधिक लाभदायक करण्यासाठी पुढाकार घेतील, असा विश्वास आहे..Women Farmers Policy: महिला शेतकऱ्यांना मिळणार कायदेशीर मान्यता.मुख्य कार्यकारी अधिकारी मिन्नू पी. एम. यांनी महिला शेतकऱ्यांना शासनाच्या विविध योजनांचा लाभ घेण्याचे तसेच आधुनिक शेती तंत्रज्ञान आत्मसात करून आर्थिकदृष्ट्या सक्षम होण्याचे आवाहन केले. जिल्ह्यातील विविध कार्यालयांच्या ठिकाणी महिला शेतकऱ्यांना कृषी माल विक्रीसाठी दर महिन्याला किमान एक दिवस बाजारपेठ उपलब्ध करून देण्याचा उपक्रम राबविण्याचे नियोजन असल्याचे त्यांनी सांगितले. डॉ. राकेश अहिरे म्हणाले, शेतीच्या सर्वांगीण विकासासाठी महिला शेतकऱ्यांना तंत्रशुद्ध मार्गदर्शन करणे आवश्यक असून, यासाठी सर्व कृषी विज्ञान केंद्रांनी अधिक प्रभावीपणे कार्य करावे..डॉ. सूर्यकांत पवार यांनी सध्याच्या परिस्थितीत पिकांचे व्यवस्थापन करताना एकात्मिक कीड, रोग, तण व अन्नद्रव्य व्यवस्थापन पद्धतींचा अवलंब करण्याचे आवाहन केले..याप्रसंगी श्रीमती देव आणि श्री. पाटील यांनीही मार्गदर्शन केले. वैशाली घुगे यांनी स्वयम शिक्षण प्रयोग संस्थेच्या कार्याची माहिती देताना छत्रपती संभाजीनगर जिल्ह्यातील ५० गावांतील सुमारे ५,००० महिला शेतकऱ्यांच्या सक्षमीकरणासाठी संस्था कार्यरत असल्याचे सांगितले.कार्यक्रमाचे प्रास्ताविक डॉ. दीप्ती पाटगावकर यांनी केले, तर डॉ. जिंतूरकर यांनी सूत्रसंचालन केले. कार्यक्रमाच्या यशस्वी आयोजनासाठी कृषी विज्ञान केंद्र, छत्रपती संभाजीनगर आणि स्वयम शिक्षण प्रयोग यांच्या अधिकारी, कर्मचारी व स्वयंसेवकांनी विशेष परिश्रम घेतले. मेळाव्यात महिला शेतकऱ्यांना आधुनिक शेती तंत्रज्ञान, पीक व्यवस्थापन, हवामान बदलाच्या पार्श्वभूमीवर शाश्वत शेती, मूल्यवर्धन, महिला उद्योजकता, स्वयंरोजगाराच्या संधी तसेच विविध शासकीय योजनांची सविस्तर माहिती तज्ज्ञांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
