Pune News: मुख्यमंत्री माझी लाडकी बहीण योजनेच्या सन्मान निधीत वाढ होणार का, याकडे राज्यातील महिलांचे मागील एक वर्षापासून लक्ष लागले आहे. निवडणुकांपूर्वी १ हजार ५०० ऐवजी २ हजार १०० रुपये देण्याचे आश्वासन देण्यात आले होते, मात्र यात अद्याप वाढ झालेली नाही. या पार्श्वभूमीवर उपमुख्यमंत्री एकनाथ शिंदे यांनी (ता.२६) साताऱ्यात बोलताना महिलांना आश्वासित केल. लाडक्या बहिणींना दिलेला शब्द योग्य वेळी पाळू, असे आश्वासन त्यांनी दिले. .सन्मान निधी वाढीची प्रतीक्षा कायम..निवडणुकीदरम्यान महायुतीच्या नेत्यांनी सत्तेत आल्यानंतर लाडकी बहीण योजनेचा सन्मान निधी १ हजार ५०० रुपयांवरून २ हजार १०० रुपये करण्याचे आश्वासन दिले होते. मात्र, सरकार स्थापन होऊन जवळपास एक वर्ष उलटले तरीही अद्याप ही वाढ करण्यात आलेली नाही. त्यामुळे ही रक्कम कधी वाढणार, याची उत्सुकता लाडक्या बहिणींमध्ये आहे..Ladki Bahin Yojana: लाडकी बहीण योजनेचा हप्ता मिळाला नाही, 'या' नंबरवर कॉल करा.एकनाथ शिंदेंचे साताऱ्यात वक्तव्य…या पार्श्वभूमीवर उपमुख्यमंत्री एकनाथ शिंदे यांनी साताऱ्यात प्रचार सभेत महत्त्वाचे वक्तव्य केले आहे. ते म्हणाले की, “अडीच वर्षांत मी शांतपणे झोपलो नसेल. लाडक्या बहिणींनी ठरवलं होतं की लाडक्या भावालाच निवडून आणायचं.” त्यांनी सांगितले की या योजनेसाठी दरवर्षी सुमारे ४५ हजार कोटी रुपये खर्च होत आहेत आणि एवढा मोठा निर्णय घेण्याची हिंमत सर्वांमध्ये नव्हती..Ladki Bahin Yojana: लाडकी बहीण योजनेचा जानेवारीचा हप्ता पुढील आठवड्यात मिळणार ? लाडक्या बहिणींची सरकारकडे नजर.लाडकी बहीण योजनेचा निवडणूक निकालांवर परिणाम…एकनाथ शिंदे पुढे म्हणाले की, “ज्यांनी लाडकी बहीण योजनेला विरोध केला, त्यांना महिलांनी निवडणुकीत उत्तर दिले. महाराष्ट्राच्या इतिहासात पहिल्यांदाच महायुतीला २३२ जागा मिळाल्या. लाडकी बहीण योजनेमुळे अनेक महिलांचे आयुष्य बदलले आहे.”.सन्मान निधी वाढीबाबत त्यांनी स्पष्ट आश्वासन दिले. “१५०० रुपये २१०० रुपये करण्याचा शब्द आम्ही दिला आहे आणि तो योग्य वेळी पाळू. मी जे बोलतो, ते करून दाखवतो,” असे एकनाथ शिंदे म्हणाले. त्यांच्या या वक्तव्यामुळे लाडकी बहीण योजनेतील रक्कम वाढण्याची आशा पुन्हा एकदा निर्माण झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
