Jalgaon News: खानदेशात रब्बी हंगामात खपली गहू पेरणी मध्यंतरी वाढत होती. परंतु या गव्हाची पेरणी यंदाही अल्पच राहीली आहे. बाजारपेठेचा अभाव असल्याने अनेकांनी पेरा टाळल्याची माहिती आहे. .मध्यंतरी जळगाव जिल्ह्यात सुमारे १५० हेक्टरवर खपली गहू पेरणी झाली होती. कोरोना कालावधीत पेरणी वाढत गेली. नंतर पेरणी वाढलीच नाही. यंदा सुमारे २० एकरात जळगाव जिल्ह्यात खपली गहू पेरणी झाल्याचा अंदाज आहे. खपली गव्हासंबंधी रावेरातील दसनूर, मस्कावद, पाल, रोझोदा, खिरोदा, यावल व जळगाव, चाळीसगाव भागातील शेतकऱ्यांनी प्रयत्न केले. काही शेतकऱ्यांनी या गवहाच्या मळणीसाठी यंत्रणा आणली. परंतु अन्य शेतकरी मात्र बाजारपेठ नसल्याने पेरणी टाळत आहे. या गव्हास जिल्ह्यातील बाजार समित्यांत उठाव नाही. त्याची मळणीची खर्चिक व वेळखाऊ पद्धतही अनेकांसाठी डोकेदुखी ठरत आहे..Wheat Sowing: गुजरातमध्ये रब्बीत गव्हाचा सर्वाधिक पेरा.तंत्रशुद्ध यंत्रणाच नाहीखपली गहू मळणीसाठी तंत्रशुद्ध यंत्रणेचा अभाव खानदेशात आहे. मळणीअभावी गव्हाचा उपयोगच सध्या होत नसल्याची स्थिती आहे. यामुळे मळणीसाठी तंत्रशुद्ध यंत्रणा, आवश्यक सामग्री उपलब्ध करून देण्याचा मुद्दा शेतकरी उपस्थित करीत आहेत. पण याकडे कृषी विज्ञान केंद्र व अन्य यंत्रणा लक्ष देत नाहीत, असाही आरोप होत आहे..Wheat Sowing: रब्बीतील गहू पीक पेरणी जवळपास पूर्ण, पिकाची स्थिती चांगली, भरघोस उत्पादनाचा अंदाज.खपली गहू पेरणी वाढून शेतकऱ्यांना त्याचा लाभ व्हावा यासाठी कृषी विभागाने जळगाव जिल्ह्यात सुमारे ७५ एकरात बिजोत्पादन कार्यक्रम मध्यंतरी घेतला होता. पुढील टप्प्यात जिल्ह्यात खपली गव्हाखालील क्षेत्र आणखी वाढावे, असा उद्देश यामागे होता. पण पुढे हा कार्यक्रम बंद झाला..ठळक बाबीमळणीसाठी जळगाव, धुळ्यात यंत्रणा नाही.खपली गहू मळणीसाठी प्रचलित गहू मळणीची यंत्रणा कुचकामी ठरते.शेतकऱ्यांनी प्रचलित किंवा ट्रॅक्टर, लहान इंजिनचलित यंत्रणांद्वारे मळणी केली. पण त्यात गहू तयार झाला नाही, असेही सांगितले जाते.गहू व्यवस्थित तयार होत नसल्याने बाजारातही त्यास कुणी घेत नाही.मळणीसाठी राईस मिलच्या धर्तीवरची यंत्रणा विविध गावांमध्ये स्थापन करण्याची गरज आहे.चांगली बाजारपेठ बाजार समित्या व अन्य भागात तयार व्हाव्यात, त्यासाठी जागरूकता वाढावी, असाही मुद्दा उपस्थित केला जातो..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
