Nagar News : ३.५ फॅट व ८.५ एसएनएफऐवजी यापुढे ३.२ फॅट व ८.३ एसएनएफ या नव्या मानकावर शेतकऱ्यांकडील गायीचे दूध खरेदी केले जाणार आहे. केंद्र सरकारच्या निर्णयानुसार हा बदल करण्यात आला असला, तरी दूधदराबाबत मात्र कोणतीही स्पष्टता नसल्याने शेतकऱ्यांत संभ्रम निर्माण झाला आहे. सध्या प्रति लिटर ३४ रुपये दूधदरासाठी शेतकरी आंदोलन करत आहेत.
राज्यात सध्या गायीच्या दूधदराचा प्रश्‍न ऐरणीवर आहे. तीन ते चार महिन्यांतच सुमारे दहा रुपये कमी दराने दूध खरेदी सुरू आहे. त्याचा मोठा आर्थिक फटका दूध उत्पादकांना बसत आहे. दूधदरासाठी अकोले (जि. नगर) दूधदरासाठी सात दिवस उपोषण झाले. राज्यातील अनेक भागांतही आंदोलने सुरू आहेत. अशातच बुधवारी (ता. २९) राज्य शासनाने दूध विक्रीबाबतचे नवी मानके जाहीर केली आहेत.
गायीच्या दुधात किमान ३.५ स्निग्धता (फॅट) व ८.५ एसएनएफ (इतर घनपदार्थ) प्रमाणावर यापूर्वी दूध खरेदी होत असे. शासनाने नव्याने जाहीर केलेल्या मानकांनुसार यापुढे ३.२ फॅट व ८.३ एसएनएफनुसार शेतकऱ्यांकडून दूध खरेदी होणार आहे.
तसेच या मानकानुसारच दूधदरही ठरविण्यात येण्याची शक्यता आहे. मात्र या मानकानुसार गायीच्या दुधाला किती दर देणार हे मात्र निश्‍चित केलेले नाही. शिवाय म्हशीच्या दुधासाठी ६.० फॅट व ९.० एसएनएफ, शेळी-मेंढीच्या दुधासाठी ३.५ फॅट व ९.० एसएनएफ ही पूर्वीचीच मानके जैसे-थे ठेवण्यात आले आहेत.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.