Seed Market Slowdown: पश्चिम विदर्भातील शेतकरी माॅन्सूनच्या प्रतीक्षेत आहेत. याचा थेट परिणाम बी-बियाण्यांच्या बाजारपेठेवरही दिसून येत आहे. अपेक्षित गर्दी अद्याप झालेली नसल्याचे विक्रेत्यांकडून सांगितले जात आहे. पाऊस आणखी लांबल्यास सोयाबीनऐवजी कपाशी किंवा अन्य पिकांकडे शेतकऱ्यांचा कल वाढण्याचीही शक्यता व्यक्त होत आहे..खरीप हंगाम हा शेतकऱ्यांच्या दृष्टीने अत्यंत महत्त्वाचा मानला जातो. या हंगामासाठी शेती मशागतीची कामे अंतिम टप्प्यात आली आहेत. सिंचन सुविधा उपलब्ध असलेल्या काही शेतकऱ्यांनी माॅन्सूनपूर्व कपाशी व तुरीची लागवड केली आहे. मात्र, मुख्य पीक असलेल्या सोयाबीन पेरणीसाठी पावसाची अत्यावश्यक गरज असल्याने बहुतांश शेतकरी अद्याप प्रतीक्षाच करत आहेत. पावसाचा पत्ता नसल्याने शेतकरी सध्या पेरणीच्या विचारात नाहीत. परिणामी बाजारपेठेत बी-बियाणे खरेदीसाठी अपेक्षित गर्दी दिसून येत नाही. मागील काही दिवसांत केवळ रासायनिक खतांच्या खरेदीसाठीच गर्दी झाल्याचे चित्र होते..Irrigation Water Crisis: इंदापुरात शेतकरी पाण्यासाठी आक्रमक.सोयाबीनच्या पारंपरिक वाणांपेक्षा शेतकरी आता संकरित वाणांना अधिक पसंती देत आहेत. विशेषतः पांढऱ्या फुलाच्या सोयाबीन बियाण्यांची मागणी तुलनेने अधिक असल्याचे विक्रेत्यांनी सांगितले. मात्र, पाऊस उशिरा आल्यास सोयाबीनऐवजी कपाशी किंवा इतर पिकांच्या लागवडीकडे शेतकरी वळू शकतात, अशी शक्यता वर्तवली जात आहे..Monsoon Delay Issue: काही भागांत पावसाचे मोठे खंड.दरम्यान, यंदा आधीच रासायनिक खतांच्या दरात वाढ झाल्याने शेतकरी आर्थिक अडचणीत आले आहेत. त्यातच शासनाने कर्जमाफीची घोषणा केली असली, तरी अनेक शेतकऱ्यांच्या खात्यांची तडजोड प्रक्रिया अद्याप पूर्ण झालेली नाही. परिणामी नवीन पीककर्ज मंजूर होण्यास विलंब होत असून, बहुतांश शेतकरी आर्थिक अडचणीत सापडले आहेत. खरीप हंगाम तोंडावर असताना एकीकडे पावसाची अनिश्चितता आणि दुसरीकडे आर्थिक संकट अशा दुहेरी समस्यांचा सामना शेतकऱ्यांना करावा लागत आहे..शेतकऱ्यांच्या नजरा आकाशाकडेसध्या पश्चिम विदर्भातील शेतकऱ्यांच्या नजरा आकाशाकडे लागल्या असून, दमदार पावसाच्या प्रतीक्षेत संपूर्ण कृषी क्षेत्र आहे. आगामी काही दिवसांत माॅन्सून सक्रिय झाला तरच खरीप हंगामाला गती मिळण्याची अपेक्षा व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
