Satara Water Supply : सातारा जिल्ह्यात ३० टँकरद्वारे पाणीपुरवठा

Satara Water News : सातारा जिल्ह्यात टंचाई झळा वाढू लागल्याने टँकरच्या मागणीत वाढ होऊ लागली आहेत. पाणीटंचाई दूर करण्यासाठी जिल्ह्यातील सहा तालुक्यांमधील ३९ गावे १२१ वाड्यावस्त्यांवरील जनतेस पाणीपुरवठा केला जात आहे. पावसाचे आगमन लांबत असल्याने पाणी टंचाई भीषण होण्याचा अंदाज व्यक्त केला जात आहे.

राज्यभरात उष्णतेच्या लाटा वाढल्याने नागरिकांना हैराण केले आहे. अनेक ठिकाणी उष्माघाताचा त्रास सुरू झाला आहे. वाढत्या उष्णतेने जमिनीतील पाण्याचा स्तर कमी झाल्याने बहुतांश ठिकाणी विहिरी व बोअरवेल कोरड्या पडू लागल्या आहेत. त्यामुळे जिल्ह्यातील काही भागांत पाणीटंचाईचा भीषण होऊ लागली आहे.

यासाठी शासनाने टंचाईग्रस्त भागात टॅंकर सुरू केले आहेत. जिल्ह्यातील ३९ गावे १२१ वाड्यावस्तीवरील ४५,६८२ ग्रामस्थांना पाणीपुरवठा केला जात आहे. यामध्ये माण तालुक्यात २० गावे ११२ गावांत १७ टँकरद्वारे पाणीपुरवठा केला जात आहे. खटाव तालुक्यात एका गावात एका टँकरद्वारे पाणीपुरवठा केला जात आहे.