Agriculture News : सांगली जिल्ह्यात यंदा पावसाच्या लहरीपणाचा खरिपाला मोठा फटका बसला असून, उत्पादनात अंदाजे ४० टक्क्यांहून अधिक घट होण्याची शक्यता आहे. परतीच्या पावसानेही दडी मारल्याने आता रब्बी हंगामावर दुष्काळाचे सावट गडद झाले आहे. .पंधरा दिवसांपूर्वी झालेल्या पावसाच्या भरवशावर शेतकऱ्यांनी ज्वारीची पेरणी केली; मात्र पावसाअभावी उगवलेल्या पिकांवर संकट ओढावले आहे. त्यामुळे खरिपानंतर रब्बी हंगामही हातचा जाण्याची भीती निर्माण झाल्याने शेतकऱ्यांच्या आशा धूसर झाल्या आहेत. पेरणीपूर्वीच रब्बी हंगाम धोक्यात आला आहे.Crop Damage: दारवाड कालवा ‘ओव्हर फ्लो’; सत्तर एकर क्षेत्राचे नुकसान.जिल्ह्यात रब्बी हंगामाचे सरासरी क्षेत्र दोन लाख हेक्टर आहे. या हंगामात प्रामुख्याने ज्वारी, भुईमूग, मका आणि हरभरा या पिकांची पेरणी केली जाते. जिल्ह्यातील काही भागांत तीन आठवड्यांपूर्वी झालेल्या पावसाच्या भरवशावर शेतकऱ्यांनी ज्वारीची पेरणी केली. मात्र, त्यानंतर पावसाने उघडीप दिल्याने पिकांच्या वाढीवर परिणाम होऊ लागला आहे. त्यातच तापमानात वाढ झाल्याने जमिनीतील ओलावा झपाट्याने कमी होत असून, पिके कोमेजू लागली आहेत. येत्या आठवडाभरात पाऊस न झाल्यास पिके करपण्याची भीती शेतकऱ्यांकडून व्यक्त केली जात आहे. त्यामुळे पावसाअभावी रब्बी हंगामातील पिकांच्या वाढीवर संकट निर्माण होण्याची शक्यता आहे..Pavnarakhari Forest Fire: पवनारखारीच्या जंगलात भीषण आग .जिल्ह्यात यंदा पावसाअभावी खरीप हंगामाला मोठा फटका बसला आहे. अपेक्षित पाऊस न झाल्याने खरीप पिकांच्या उत्पादनावर परिणाम झाला असून, शेतकऱ्यांना आर्थिक संकटाचा सामना करावा लागत आहे. खरीप हंगामातील नुकसानीनंतर शेतकऱ्यांच्या आशा रब्बी हंगामावर होत्या. मात्र, रब्बी हंगामाच्या सुरुवातीलाच परतीच्या पावसाने दडी मारल्याने या हंगामावरही संकटाचे सावट निर्माण झाले आहे. .कृषी विभागाने रब्बी हंगामासाठी बियाणे केले असले तरी पेरणीसाठी आणि पिकांच्या वाढीसाठी आवश्यक असलेला ओलावा जमिनीत नसल्याने शेतकऱ्यांची चिंता वाढली आहे. काही भागांत यापूर्वी झालेल्या पावसाच्या आधारावर ज्वारी, मका, गहू, हरभरा आणि सूर्यफूल या पिकांची पेरणी केली आहे. मात्र, त्यानंतर पुरेसा पाऊस न झाल्याने जमिनीतील ओलावा कमी होत आहे. वाढत्या तापमानामुळे पिकांच्या उगवणीसह वाढीवरही परिणाम होण्याची शक्यता आहे. परिणामी, पेरणी केलेल्या पिकांना पावसाची प्रतीक्षा करावी लागत आहे. पेरणीपूर्वीच रब्बी हंगाम धोक्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
