Nashik News: दिंडोरी आणि पेठ या तालुक्यांसाठी सिंचनाचा प्रश्न अत्यंत महत्त्वाचा आहे. या दोन्ही तालुक्यांत पावसाळ्यात मुसळधार पाऊस होतो. मात्र पावसाळ्यानंतर पाण्याअभावी अनेकजण स्थलांतर करतात. त्यामुळे या दोन्ही तालुक्यांतील जलसंधारणाचे प्रश्न संबंधित विभागांच्या समन्वयाने तातडीने मार्गी लावावेत, अशा सूचना अन्न व औषध प्रशासन व विशेष साहाय्य मंत्री नरहरी झिरवाळ यांनी दिल्या. .जिल्हाधिकारी कार्यालयात सोमवारी (ता. २४)दुपारी मंत्री श्री. झिरवाळ यांच्या अध्यक्षतेखाली दिंडोरी व पेठ परिसरातील रोजगार हमी योजनेमधील वनहरकतीमधील बंधारे वगळणे, गाळमुक्त धरण- गाळयुक्त शिवार, लघुपाटबंधारे योजना देहरेच्या भूसंपादनाबाबतची सद्य:स्थिती, पाणी उपलब्धता प्रमाणपत्र आदी विषयांवर बैठक घेण्यात आली. त्यावेळी ते बोलत होते..Kharif Crop Sowing : उशिरा पेरणीसाठी पीक, जलसंधारणाचे नियोजन.या वेळी जिल्हाधिकारी आयुष प्रसाद, उपवनसंरक्षक राकेश सेपट (पूर्व), सिद्धेश सावर्डेकर (पश्चिम), जिल्हा नियोजन अधिकारी विजय शिंदे, बांधकाम विभागाचे कार्यकारी अभियंता राहुल पाटील, निवासी उपजिल्हाधिकारी रोहितकुमार राजपूत, उपजिल्हाधिकारी सीमा अहिरे (रोहयो), तहसीलदार मुकेश कांबळे (दिंडोरी) आदी उपस्थित होते..Paddy Farming : कुरयाटी भात शेती : जलसंधारणाचे मॉडेल.मंत्री श्री. झिरवाळ म्हणाले, की या परिसरातून होणारे स्थलांतर रोखण्यासाठी ग्रामस्थांना सिंचनाची सुविधा उपलब्ध झाल्यास त्यांचे स्थलांतर थांबेल. त्यासाठी सर्व विभागांनी समन्वयाने प्रभावीपणे उपाययोजना कराव्यात..जिल्हाधिकारी श्री. प्रसाद यांनी सांगितले की, दिंडोरी व पेठ तालुक्यातील विविध प्रलंबित प्रश्न सोडविण्यासाठी विभागांकडे पाठपुरावा करण्यात येईल. अधिकाऱ्यांनी तातडीने संबंधित प्रश्न मार्गी लावाव्यात, अशाही सूचना त्यांनी केल्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
