Wastewater irrigation: पाणीटंचाई आणि वाढत्या उष्णतेच्या काळात सोलापूर जिल्ह्यातील हराळवाडी येथील एका प्रयोगाने सर्वांचे लक्ष वेधून घेतले आहे. गावातील सार्वजनिक बोअरवेल आणि घरगुती वापराचे वाया जाणारे सांडपाणी एकत्रित करून, त्यातून फळझाडांची मोठी बाग फुलविण्यात आली आहे. ‘हराळवाडी पॅटर्न’ म्हणून ओळखल्या जाणाऱ्या या उपक्रमामुळे गावचा परिसर हिरवागार झाला आहे..गावातील तरुण सामाजिक कार्यकर्ते माउली हेगडे यांनी यासंदर्भात पुढाकार घेतला. सार्वजनिक बोअरवेलमधून दररोज हजारो लिटर पाणी वाया जात होते, ज्यामुळे परिसरात चिखल, घाण आणि डासांचे साम्राज्य निर्माण झाले होते..Fruit Farming: उत्तम दर्जाची फळे अन् थेट विक्रीतून नफा.हेगडे यांनी हे पाणी अडवून त्या जागेवर फळझाडांची लागवड करण्याचा संकल्प केला. सध्या या ठिकाणी आंबा, चिकू, पेरू, सीताफळ, अंजीर, फणस, सफरचंद आणि केळी अशी सुमारे ३५ ते ४० झाडे डोलत आहेत. विशेष म्हणजे, ही सर्व झाडे पूर्णपणे नैसर्गिक पद्धतीने जोपासली गेली आहेत.. या बागेचे वैशिष्ट्य म्हणजे, ही झाडे कोणत्याही एका व्यक्तीची नसून संपूर्ण गावाच्या मालकीची आहेत. ‘‘इतरांच्या शेतातील फळे तोडताना मुले कचरतात, मात्र ही झाडे सार्वजनिक असल्याने लहान मुले आनंदाने फळे तोडून खातात,’’ असे हेगडे यांनी अभिमानाने सांगितले..Fruit Farming Workshop: सीताफळाचे भवितव्य ठरविण्यासाठी पुण्यात कार्यशाळा .‘हराळवाडी पॅटर्न’ची वाटचालगावातील वाया जाणाऱ्या पाण्याचा १०० टक्के पुनर्वापर झाला. साचलेले पाणी उपयोगात आल्याने डासांची उत्पत्ती थांबली, रोगराई कमी झाली, शिवाय कडक उन्हातही हा परिसर फळझाडांमुळे थंड राहतो आहे..हराळवाडीत यापूर्वी हेगडे यांनीच जिल्हा परिषद शाळेतही ५३ झाडे लावून ती यशस्वीपणे जगवली आहेत. हराळवाडीचा हा प्रयोग आता जिल्ह्यातील इतर गावांसाठीही दिशादर्शक ठरत आहे. सांडपाण्याचे नियोजन योग्य पद्धतीने केल्यास गाव केवळ स्वच्छच नाही, तर समृद्धही होऊ शकते, हे या ‘हराळवाडी पॅटर्न’ने सिद्ध केले आहे, अशी भावना पंचक्रोशीतून व्यक्त होत आहे..सार्वजनिक बोअरवेलचे पाणी वाया जाऊन दुर्गंधी पसरत होती. हे थांबविण्यासाठी आम्ही फळझाडांची लागवड केली. आज ती झाडे मोठी झाली असून, गावातील लहान मुलांना नैसर्गिक फळे खाताना पाहून खूप समाधान मिळते.माउली हेगडे, सामाजिक कार्यकर्ते, हराळवाडी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
