Kolhapur News : येथील वारणा सहकारी दूध उत्पादक संघाच्या वतीने अक्षयतृतीयानिमित्त सभासदांना प्रती वर्षी प्रमाणे श्रीखंड देण्यात येणार असून २९ व ३० रोजी वाटप कोल्हापूर व सांगली जिल्ह्यातील संबंधित प्राथमिक दूध संस्था, कोल्हापूरातील विक्री केंद्रे व वितरकामार्फत संघाच्या सभासदांना श्रीखंड वाटप करण्यात येणार असल्याची माहिती अध्यक्ष डॉ. विनय कोरे यांनी दिली.
वारणा दूध संघाच्या ज्या अ वर्ग सभासदांनी शेअर पूर्ण केले आहेत व जे उत्पादक दुधाचा गावातील दूध संस्थामार्फत संघास दूध पुरवठा करतात. अशा अ वर्ग उत्पादक सभासदाना एक किलो श्रीखंड प्रति किलो रुपये २० रुपये प्रमाणे व क वर्ग ग्राहक सभासदांना, अर्धा किलो श्रीखंड १० रुपयेप्रमाणे संघामार्फत भेट म्हणून दिले जाणार आहे.
वारणा दूध संघाच्या कार्यक्षेत्रातील दूध संस्थाच्याकडे सभासदांना ३० एप्रिलला श्रीखंड वितरण केले जाणार आहे. कोल्हापूर व परिसरातील अ वर्ग व क वर्ग सभासदांचे श्रीखंडाचे स्टेशन रोड कोल्हापूर विक्रि केंद्रामध्ये २९ व ३० एप्रिलला वाटप होईल.
सभासदांनी आपले ओळखपत्र अथवा अन्य कागदपत्राची झेराक्स दाखवून सवलतीच्या दरातील श्रीखंड घेवून जावे, असे आवाहन प्रभारी कार्यकारी संचालक सुधीर कामेरीकर यांनी केले.
या वेळी संघाचे उपाध्यक्ष एच. आर. जाधव, फॅक्टरी मॅनेजर श्रीधर बुधाले, मार्केटिंग मॅनेजर अनिल हेर्ले, संकलन अधिकारी अशोक पाटील, अकाउंटस ऑफिसर प्रवीण शेलार, आर. व्ही. देसाई, प्रीतम बासटवार, सचिन माने, उत्तम कणेरकर उपस्थित होते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.