Jalgaon News: खानदेशात अनेक भागांत अद्याप ऊस तोडणी सुरू झालेली नाही. पावसामुळे नियोजन कोलमडले आहे. त्यामुळे उत्पादनावरही परिणाम होण्याची शक्यता असल्याने तोडणी कधी होईल, याची प्रतीक्षा आहे..नंदुरबार, धुळे येथे काही भागांत ऊस तोडणी सुरू आहे. ऊस तोडणीबाबत अनेक कारखान्यांनी मागील महिन्यात तयारी केली होती. यंदा दिवाळीलाच तोडणीचा मुहूर्त व बॉयलर अग्नी प्रदीपन कार्यक्रमाचे नियोजनही करण्यात आले होते. परंतु पावसामुळे ऊस तोडणीचे नियोजन कोलमडले. ऊसतोडणी आता सुरू होईल, अशी अपेक्षा आहे. यामुळे उत्पादनावर परिणाम होणार आहे..Sugarcane Harvesting: ओल कायम असल्याने ऊसतोड लांबणीवरच.तसेच अनेक शेतात तण वाढले होते. अशात स्थितीत कशीबशी ऊस तोडणी करावी लागेल. तणनियंत्रणासाठी शेतकऱ्यांनी तणनाशकांची फवारणीदेखील केली होती. पावसामुळे अडचण वाढल्याने उसाच्या उत्पादकतेवर परिणाम होईल, अशी स्थिती आहे. काही शेतकऱ्यांनी उत्तम व्यवस्थापन करून ऊस पीक वाढविले आहे. परंतु तोडणी वेळेत झाल्यास उतारा चांगला मिळतो. तसेच क्षेत्रही लवकर रिकामे होते. त्यात पुढे खोडवा किंवा अन्य पीक कार्यवाही करावी लागते..Sugarcane Harvesting: कोल्हापूर जिल्ह्यात ऊस तोडणीला आली गती.खानदेशात मागील हंगामात ऊस तोडणी दिवाळीनंतर सुरू झाली होती. यंदा मात्र दिवाळीनंतरही ऊस तोडणी सुरू झालेली नाही. विविध भागात ऊसदराचा प्रश्न आहे. यात खानदेशातील ऊस उत्पादक दर काय मिळतील, याची प्रतीक्षा करीत आहेत. ऊस तोडणी मजूर ऊस तोडणीसाठी सध्या तयार नाहीत..पाच कारखाने करतात प्रक्रियाखानदेशात चार साखर कारखाने उसावर प्रक्रिया किंवा गाळप करीत आहेत. त्यात नंदुरबारात तीन व जळगाव जिल्ह्यांत दोन कारखाने मागील वेळेस सुरू झाले होते. जळगावात चोपडा व मुक्ताईनगर येथे तर नंदुरबारात नवापूर, नंदुरबार व शहादा येथे साखर कारखाने आहेत. उसाची लागवड नंदुरबारात सर्वाधिक झाली आहे. तेथे सुमारे १५ हजार हेक्टरवर ऊस पीक आहे. जळगाव जिल्ह्यातही सुमारे १४ हजार हेक्टरवर ऊस पीक आहे. धुळ्यातही शिरपूर, साक्री भागांत ऊस पीक आहे. यंदा एकूण गाळप २७ लाख टनांवर अपेक्षित आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
