IIRF 2026 Agricultural University Rankings: भारतीय शैक्षणिक संस्था मूल्यांकन प्रणाली २०२६ (इंडियन इन्स्ट्युशनल रँकिंग फ्रेमवर्कः आयआयआरएफ) कडून देशातील विद्यापीठांची क्रमवारी (रँकिंग) जाहीर करण्यात आली आहे. यामध्ये कृषी व उद्यानविद्या शिक्षणासाठी सर्वोत्तम विद्यापीठ म्हणून वसंतराव नाईक मराठवाडा कृषी विद्यापीठाला राष्ट्रीय स्तरावर ३४ वे स्थान, तर राज्यस्तरावर प्रथम स्थान मिळाले आहे. त्या संदर्भातील प्रमाणपत्र बुधवारी (ता.३) विद्यापीठास प्रदान करण्यात आले..‘आयआयआरएफ’ ही भारतातील उच्च शिक्षण संस्थांची स्वतंत्र व संशोधनाधिष्ठित मूल्यांकन प्रणाली मानली जाते. विविध शैक्षणिक निकष, संशोधन कार्य, नवोपक्रम, पायाभूत सुविधा, विद्यार्थ्यांसाठी सोयीसुविधा आणि विस्तार कार्य उपक्रमांच्या आधारे विद्यापीठांचे मूल्यमापन करण्यात येते. केंद्रीय, राज्य, अभिमत व खासगी विद्यापीठांच्या स्वतंत्र गटांमध्ये ही रँकिंग जाहीर केली जाते. वसंतराव नाईक मराठवाडा कृषी विद्यापीठाने मिळविलेले हे स्थान विशेष मानले जात आहे..Agriculture University Development: कृषी विद्यापीठाच्या बळकटीकरणात माजी विद्यार्थी संघटनेचे योगदान लागेल.डॉ. इंद्र मणी म्हणाले, की शिक्षण, संशोधन, विस्तार आणि नवोपक्रम क्षेत्रातील सातत्यपूर्ण गुणवत्तापूर्ण कार्याची ही पावती आहे. विद्यापीठातील शिक्षक, शास्त्रज्ञ, अधिकारी, कर्मचारी आणि विद्यार्थ्यांच्या सामूहिक प्रयत्नांतून हे यश प्राप्त झाले आहे..DY Patil Agriculture University: डी. वाय. पाटील कृषी विद्यापीठात लवकरच ‘एमबीए ग्लोबल’ अभ्यासक्रम.याशिवाय बाह्यस्त्रोत निधीतून सुरू असलेले संशोधन प्रकल्प, राष्ट्रीय व आंतरराष्ट्रीय संस्थांशी सामंजस्य करार, विस्तार कार्यविषयक ‘माझा एक दिवस माझ्या बळिराजासोबत’ हा अभिनव उपक्रम, ऑनलाइन शेतकरी-शास्त्रज्ञ संवाद, विद्यापीठाने विकसित केलेले विविध पिकांचे वाण, अवजारे व तंत्रज्ञानाचा शेतकऱ्यांमध्ये प्रभावीपणे प्रसार या सर्व बाबींचा सकारात्मक परिणाम आयआयआरएफ रँकिंगमध्ये दिसून आला आहे..शिक्षण संचालक डॉ.भगवान आसेवार, संशोधन संचालक डॉ. खिजर बेग, विस्तार शिक्षण संचालक डॉ.राकेश अहिरे, शास्त्रज्ञ, अधिकारी व कर्मचाऱ्यांचे मोलाचे योगदान राहिले आहे. संबंधित माहितीचे संकलन व सादरीकरण शिक्षण संचालनालयातील तांत्रिक अधिकारी तथा विभागप्रमुख डॉ. सचिन मोरे व तांत्रिक अधिकारी डॉ.गणपत कोटे यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
