Parbhani News : परभणी शहरात संविधानाची विटंबनेवरून एकच धुमचक्री उडाली. आंदोलकांनी दुकाने फोडली, गाड्यांची तोडफोड केली. तर पोलिसांनी आंदोलनकांवर लाठीचार्ज करत अश्रुधुराच्या नळकांड्या फोडल्या. यामुळे सध्या येथे तणावपूर्ण शांतता तयार झाली आहे.
येथील जिल्हाधिकारी कार्यालयासमोर डॉ. बाबासाहेब आंबेडकर यांच्या पुतळ्यासमोर ठेवण्यात आलेल्या संविधानाची विटंबना मंगळवारी (ता.१०) एका माथेफिरुने केली होती. या घटनेचे तीव्र पडसाद आज (ता.११) परभणीत उमटले. आज येथे बंदची हाक देण्यात आली होती. शहरातील जिंतूर रोडवर आंबेडकर अनुयायांनी रास्तारोको आंदोलन करत असतानाच आंदोलनाला हिंसक वळण लागले. यामुळे पोलिसांनीही आंदोलकांना पांगवण्यासाठी अश्रूधुराच्या नळकांड्या फोडाव्या लागल्या. तर लाठीचार्ज देखील करावा लागला.
नेमकं काय घडलं?
मंगळवारी सायंकाळी ५.३० दरम्यान येथील आंबेडकर पुतळ्या समोर ठेवण्यात आलेल्या संविधानाची विटंबना एका माथेफिरूने केली. यावेळी तेथे उपस्थित असणाऱ्या लोकांनी माथेफिरूला जोरदार चोप देत पोलिसांच्या ताब्यात दिले. मात्र या घटनेची माहिती वाऱ्यासारखी शहरभर पसरली आणि आंबेडकर अनुयायी संतप्त झाले
यानंतर काल आंबेडकरी अनुयायींकडून रेल्वे रोकोही करण्यात आले. तर आज आंबेडकर पुतळा परिसरात जोरदार निदर्शने करण्यात आली. यावेळी आंदोलक आक्रमक झाले. त्यांनी दुकाने, रस्त्यावर गाड्यांची तोडफोड आणि जाळपोळ करत दगडफेक केली. यावेळी पोलिसांनाही लक्ष करण्यात आले. यावरून पोलिसांनीही लाठीचार्ज करत अश्रूधुराच्या नळकांड्या फोडल्या.
सध्या जिल्हाधिकाऱ्यांसह पोलिस प्रशासन आणि राजकीय नेत्यांनी आंबेडकरी अनुयायींना शांत राहण्याचे आवाहन केले आहे. सध्या परभणीतील परिस्थिती तणावपूर्ण असून पोलिसांचा ताफा वाढवण्यात आला आहे. तसेच दंगल नियंत्रण पथकही तैनात करण्यात आले आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.