Solapur Sugar Factory News : पर्यावरणाच्या नियमांचे उल्लंघन केल्याचा ठपका ठेवत पुण्याच्या राष्ट्रीय हरित लवादाने (एनजीटी) सोलापुरातील श्री सिद्धेश्‍वर सहकारी साखर कारखान्याला प्रदूषणामुळे झालेल्या नुकसानीपोटी १० कोटी ६८ लाखांचा दंड केला आहे.
तसेच दोन वर्षांत पर्यावरण संवर्धनासाठी १६ कोटी ८० लाख रुपये खर्च करण्याचे आदेश देत यासंबंधीची याचिका निकाली काढली आहे.
संजय थोबडे यांनी यासंबंधीची याचिका हरित लवादाकडे दाखल केली आहेत. सिद्धेश्‍वर साखर कारखान्यामुळे झालेल्या प्रदूषणाच्या भरपाईसह इतर मुद्द्यांवर राष्ट्रीय हरित लवादाकडे त्यांनी दाद मागितली होती. या याचिकेवर दिनेशकुमार सिंग आणि डॉ. विजय कुलकर्णी यांच्या खंडपीठाने हा निकाल दिला.
परिसरातील प्रदूषणाला कारखान्याला जबाबदार धरून पर्यावरण विभागाची अनुमती नसताना गाळप घेतल्याने पाच कोटींचा दंड, तर पर्यावरण नुकसानीपोटी पाच कोटी ६८ लाख रुपये भरण्याचे आदेश एनजीटीने दिले आहेत.
याशिवाय पर्यावरण विभागाच्या मान्यतेनंतर प्रदूषण नियंत्रण मंडळाने जिल्हाधिकाऱ्यांच्या मार्गदर्शनाखाली १६ कोटी ८० लाख रुपयांची पर्यावरण संवर्धनाची कामे करावीत. तत्पूर्वी कारखान्याने प्रदूषण नियंत्रण मंडळाला दहा कोटी ३४ लाख रुपयांची बँक गॅरंटी द्यावी, असेही या आदेशात म्हटले आहे.
दरम्यान, पाच वर्षांत पर्यावरणाची अनुमती न घेताच गाळप केल्याने पर्यावरण संवर्धनासाठी १६ कोटी ८० लाख रुपयांची विविध कामे करायला तयार आहोत, अशी भूमिका कारखान्याने ‘एनजीटी’समोर मांडली. त्यासाठी बँक गॅरंटीसुद्धा दिली जाईल. पण पाच कोटींचा दंड रद्द करण्यासंदर्भात कायदेशीर सल्ला घेऊन भूमिका ठरवू, असे कारखान्याकडून सांगण्यात आले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.