Solapur News: महापुरात बुजलेल्या विहिरींची पाहणी व पडताळणी करण्यासाठी नेमलेल्या पथकांचे कामकाज अंतिम टप्प्यात आहे. या पाहणीचा अहवाल जिल्हा प्रशासनाला प्राप्त झाल्यानंतर बाधितांना शासनाकडून दिल्या जाणाऱ्या मदतीचा मार्ग मोकळा होणार आहे. जिल्ह्यातील जवळपास १ हजार ७२८ खासगी विहिरींचे व अंशता तर ५७६ खासगी विहिरींचे पूर्णता नुकसान झाल्याची आकडेवारी प्राप्त झालेली आहे. या आकडेवारीनुसार नुकसानीची पाहणी केली जात आहे. .जिल्ह्यात सप्टेंबरमध्ये झालेली अतिवृष्टी व नद्या, ओढ्यांना आलेला महापूर यामुळे जिल्ह्यातील शेतीचे मोठ्या प्रमाणात नुकसान झाले आहे. शेतकऱ्यांना राज्य शासनाच्या विशेष पॅकेजमधून मदत देण्यासाठी प्रशासकीय यंत्रणा कामकाज करत आहे..OTP Verification: ओटीपी प्रमाणीकरण मान्य करा.ज्यांच्या घरत पाणी शिरले होते, अशा बाधितांना पहिल्या टप्प्यात दहा हजारांची मदत देण्यात आली. त्यानंतर शेतीच्या नुकसानीची मदत सध्या शेतकऱ्यांच्या बँक खात्यावर जमा केली जात आहे. ज्या शेतकऱ्यांच्या जमिनी वाहून गेल्या आहेत, ज्या शेतकऱ्यांच्या जमिनीत गाळ येऊन नुकसान झाले आहे. त्यांच्या भरपाईसाठीही जिल्हा प्रशासनाने ५७ कोटी रुपयांचा प्रस्ताव शासनाला पाठविला आहे..Well Repair Fund: अतिवृष्टीने बुजलेल्या विहिरींची दुरुस्ती आता होणार झटपट.महापुरामुळे जिल्ह्यातील ३० सार्वजनिक विहिरींचे अंशता तर एका सार्वजनिक विहिरीचे पूर्णता नुकसान झाल्याची आकडेवारी प्राथमिक पाहणीतून समोर आली होती. महापुरात नुकसान झालेल्या खासगी व सार्वजनिक विहिरींचे जे नुकसान झाले आहे. त्याची पाहणी करण्यासाठी जिल्हा परिषद व महसूलची गाव पातळीवरील यंत्रणा काम करत आहे..नुकसानीचा अहवाल आल्यानंतर महात्मा गांधी राष्ट्रीय ग्रामीण रोजगार हमी योजनेतून बाधित शेतकऱ्यांना सुरवातीला १५ हजार रुपयांपर्यंतची मदत दिली जाणार आहे. त्यानंतर विहिरींची दुरुस्ती झाल्यानंतर १५ हजारांपर्यंतची मदत दिली जाणार आहे. बाधित शेतकऱ्यांना जवळपास ३० हजार रुपयांपर्यंतची मदत दिली जाणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
