Agriculture Development: ‘‘माजी मुख्यमंत्री दिवंगत वसंतराव नाईक यांनी मुख्यमंत्रिपदाच्या कार्यकाळात दुष्काळग्रस्त भागात राबविलेल्या जलसंधारणाच्या कामांमुळे शेती क्षेत्रात मोठे परिवर्तन घडले. त्यांच्या दूरदृष्टीचा लाभ आजही राज्यातील अनेक भागांना होत आहे,’’ असे प्रतिपादन राज्याचे पर्यटनमंत्री शंभूराज देसाई यांनी बुधवारी (ता. १) केले..यशवंतराव चव्हाण सेंटर येथे ‘वसंतराव नाईक प्रतिष्ठान’तर्फे नाईक यांच्या स्मृतिदिनानिमित्त आयोजित कृषी पुरस्कार वितरण सोहळ्यात ते बोलत होते. या वेळी उद्योग व पर्यटन राज्यमंत्री इंद्रनील नाईक उपस्थित होते..Vasantrao Naik Awards: वसंतराव नाईक प्रतिष्ठानचे शेतीविषयक पुरस्कार जाहीर.या वेळी पुसद येथील किसान मार्केट यार्ड या संस्थेला एक लाख रुपयांचा सामाईक पुरस्कार प्रदान करण्यात आला. तर कृषी क्षेत्रातील उल्लेखनीय योगदानाबद्दल ‘अॅग्रोवन’चे निवृत्त संचालक संपादक आदिनाथ चव्हाण यांना ५० हजार रुपयांचा पुरस्कार प्रदान करण्यात आला..Vasantrao Naik Memorial: वसंतराव नाईक स्मारकाच्या लोकार्पणाचा सरकारला विसर.देसाई म्हणाले, ‘‘नाईक यांनी शेती क्षेत्रासाठी अनेक क्रांतिकारी निर्णय घेतले. पावसाचा प्रत्येक थेंब अडविल्याशिवाय दुष्काळग्रस्त भाग स्वयंपूर्ण होणार नाही, ही त्यांची दूरदृष्टी होती. त्यामुळे त्यांनी जलसंधारणाच्या कामांना प्राधान्य दिले. आजही त्यांच्या कार्यपद्धतीनुसार जलसंधारणाची कामे राबविण्याची गरज आहे.’’.प्रतिष्ठानचे अध्यक्ष डॉ. राजेंद्र बारवाले म्हणाले, ‘‘अल्पभूधारक शेतकरीही नवनवीन संशोधन आणि आधुनिक तंत्रज्ञानाचा अवलंब करून शेतीत उल्लेखनीय प्रगती करू शकतो. अशा आदर्श शेतकऱ्यांचे कार्य पुरस्कारांच्या माध्यमातून राज्यभर पोहोचविण्याचा प्रतिष्ठानचा प्रयत्न आहे.’’.कार्यक्रमास माजी मंत्री अविनाश नाईक, शिवाजीराव मोघे, हरिभाऊ राठोड, माजी आमदार मुश्ताक अंतुले, राजेश राठोड, तसेच प्रतिष्ठानचे सदस्य उपस्थित होते. आभार प्रदर्शन प्रतिष्ठानचे सचिव दीपक पाटील यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
