Pest Control : देवगावात उझी माशी नियंत्रण कार्यशाळा

Chh. Sambhajinagar News : जिल्हा जिल्हा परिषद कृषी विभागाच्या वतीने रेशीम विभागाच्या समन्वयातून देवगाव (ता. पैठण) येथे शुक्रवारी (ता. २१) उंझी माशी नियंत्रण कार्यशाळेचे आयोजन करण्यात आले होते.

या कार्यशाळेसाठी जिल्हा परिषद कृषी विकास अधिकारी प्रकाश पाटील आणि ल्हा रेशीम अधिकारी बी. डी. डेंगळे आणि केंद्रीय रेशीम बोर्डाचे मुख्य शास्त्रज्ञ डॉ. अंकुश घाडगे यांची उपस्थिती होती.

या कार्यशाळेत पैठण तालुक्यातील देवगाव, एकतुनी, खंडाळा येथील रेशीम कोष उत्पादक शेतकरी उपस्थित होते. जिल्हा परिषदेचे कृषी विकास अधिकारी श्री. पाटील यांनी पैठण तालुक्यातील रेशीम शेतकरी मित्रांना देत असलेल्या प्रोत्साहन अनुदानाविषयी माहिती दिली.

डॉ. घाडगे म्हणाले, की उंझी माशी नियंत्रणासाठी रेशीम कोष उत्पादकांनी पंचसूत्रीचा वापर करावा. एकमेव महाराष्ट्रातच पूर्ण बंदिस्त शेड शिवाय ओपन किंवा अर्धबंदिस्त शेडमध्ये रेशीम कोष उत्पादन घेतले जाते. त्यामुळे अळीला आवश्यक वातावरण शेडमध्ये राहण्यावर तापमानातील बदलाचा थेट परिणाम महाराष्ट्रात जास्त अनुभवला जातो.

अतिशय नाजूक असलेल्या रेशीम आळीसाठी तिला पोषक वातावरण शेडमध्ये राहील याची जबाबदारी घेणे अत्यंत आवश्यक असल्याचे ते म्हणाले. देवगावचे सरंपच योगेश कोठुळे, शहादेव ढाकणे, सदाशिव गोपीनाथ गीते, मदन बोंद्रे उपस्थित होते.