Yavatmal News: कापूस पिकाच्या उत्पादनात शाश्वत वाढ साधायची असेल, तर पारंपरिक लागवड पद्धतींमध्ये बदल करून शिफारशीत आधुनिक तंत्रज्ञानाचा अवलंब करणे अत्यावश्यक आहे, असे प्रतिपादन डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख यांनी केले..कृषी विज्ञान केंद्र, यवतमाळ-१, केंद्रीय कापूस संशोधन संस्था, नागपूर, वस्त्रोद्योग मंत्रालय व कृषी विभाग यांच्या संयुक्त सहकार्याने राबविण्यात येणाऱ्या विशेष कापूस लागवड प्रकल्पाअंतर्गत आयोजित शेतकरी मेळाव्यात ते मार्गदर्शन करत होते..Cotton Productivity: कापूस उत्पादकता वाढ प्रकल्प हे ‘अकोला मॉडेल’च.डॉ. गडाख म्हणाले, की कापूस पिकात सुधारित बियाण्यांचा वापर, योग्य अंतरावर लागवड, संतुलित खत व्यवस्थापन, एकात्मिक कीड व रोग नियंत्रण तसेच जलसंवर्धन तंत्रज्ञानाचा अवलंब केल्यास उत्पादनात लक्षणीय वाढ साधता येते. विद्यापीठामार्फत प्रत्येक तालुक्यात एक आदर्श गाव प्रकल्प राबवून शेतकऱ्यांपर्यंत हे तंत्रज्ञान पोहोचविण्यात येणार आहे..Cotton Production: कापूस उत्पादन वाढण्याचा अंदाज; कापसाच्या भावावर काय परिमाण होईल?.कार्यक्रमाला विस्तार शिक्षण संचालक डॉ. धनराज उंदिरवाडे, जिल्हा अधीक्षक कृषी अधिकारी मनोजकुमार ढगे, दादा लाड, विभागीय कृषी संशोधन केंद्राचे सहसंचालक डॉ. श्रीकांत अमरशेट्टीवार, कृषी विज्ञान केंद्राचे वरिष्ठ शास्त्रज्ञ डॉ. दीपक कच्छवे, प्रगतशील शेतकरी माऊली कापसे आदी उपस्थित होते..डॉ. धनराज उंदिरवाडे यांनी कापूस व रब्बी हंगामातील पिकांवरील प्रमुख कीड व रोग व्यवस्थापनावर मार्गदर्शन केले. वेळेवर शास्त्रीय उपाययोजना केल्यास उत्पादन खर्च कमी होऊन नफा वाढतो, असे त्यांनी सांगितले. दादा लाड यांनी दाट लागवड तंत्रज्ञान, सरी-आंतरपीक पद्धत आणि यांत्रिकीकरणावर माहिती दिली. जिल्हा अधीक्षक कृषी अधिकारी मनोजकुमार ढगे यांनी शासकीय योजनांचा लाभ घेऊन विद्यापीठ विकसित तंत्रज्ञान वापरण्याचे आवाहन केले. .प्रगतशील शेतकरी माऊली कापसे यांनी शिफारशीत तंत्रज्ञानाचा अवलंब केल्याने उत्पादनात झालेली वाढ अनुभवातून सांगितली. या वेळी सघन कापूस लागवड तंत्रज्ञान वापरून विक्रमी उत्पादन घेतलेल्या शेतकऱ्यांचा सन्मान करण्यात आला. प्रास्ताविक कृषी अभियंता राहुल चव्हाण यांनी केले. वरिष्ठ शास्त्रज्ञ व केंद्र प्रमुख डॉ. दीपक कच्छवे यांनी कृषी विज्ञान केंद्राच्या उपक्रमांची माहिती दिली. शेतकऱ्यांना ड्रोन वापर व कापूस काढणी यंत्रांची प्रात्यक्षिके दाखविण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
