Kolhapur News: शेतकरी केंद्रस्थानी ठेवून शाश्वत शेती आणि समृद्ध उत्पादन व्यवस्था उभारण्यासाठी नॅनो खतांचा वापर हा काळाची गरज आहे, असे प्रतिपादन माजी केंद्रीय कॅबिनेट मंत्री तथा राष्ट्रीय सहकार धोरण समितीचे अध्यक्ष सुरेश प्रभू यांनी केले. .इंडियन फार्मर्स फर्टिलायझर को-ऑप. लि. (इफको) यांच्या वतीने आयोजित नॅनो खते विषयक विभागीय सहकार परिषदेत श्री. प्रभू बोलत होते. निसर्गस्नेही शेतीकडे वाटचाल करताना नॅनो खतांचा शोध हा इफकोचा ऐतिहासिक टप्पा असून यामुळे जमिनीचे आरोग्य सुधारण्यास मोठी मदत होणार असल्याचे त्यांनी स्पष्ट केले..Nano Fertilizer : खत टंचाईमुळे नॅनो खतांवर केंद्र सरकारचा भर; शेतकऱ्यांचा मात्र सावध पवित्रा.रासायनिक खतांचा अतिरेकी वापर व पाण्याचा अतिवापर यामुळे जमिनीचा कस कमी होत असल्याकडे लक्ष वेधून प्रभू म्हणाले, ‘‘नॅनो खतांच्या वापरामुळे खतांची मात्रा कमी लागते, खर्च घटतो आणि उत्पादनात वाढ होते. त्यामुळे शेतकरी आर्थिकदृष्ट्या सक्षम होण्यास मदत होईल. शेतकऱ्यांसमवेत शेतमजूरही समृद्ध झाला पाहिजे, यासाठी इफको योग्य दिशेने काम करत आहे.’’.Nano Fertilizer : नॅनो खताप्रमाणे कृषी क्षेत्रात नावीन्यता आणण्यासाठी प्रयत्नांची गरज.या वेळी इफकोचे डॉ. एम. एस. पोवार, बी. के. पाटील, जगन्नाथ पाटील, नेमगोडा पाटील आदी उपस्थित होते. कोल्हापूर, सांगली सातारा, जिल्ह्यातील विविध सहकारी संस्थांचा सत्कार करण्यात आला. .जिल्ह्यात सर्वाधिक ऊस क्षेत्रावर नॅनो खतांचा प्रभावी वापर केल्याबद्दल कल्लाप्पण्णा आवाडे जवाहर शेतकरी सहकारी साखर कारखान्यास ‘विशेष योगदान सन्मान’ प्रदान करण्यात आला. क्षेत्र अधिकारी विजय बुणगे यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
