Middle East Conflict Ceasefire: इराणवर अतिप्रचंड हल्ले करत या देशाची संस्कृतीच नष्ट करण्याची डोनाल्ड ट्रम्प यांनी दिलेली धमकी प्रत्यक्षात येण्यासाठीची वेळ नजीक येत असतानाच अमेरिका, इस्राईल आणि इराणने दोन आठवड्यांची शस्त्रसंधी जाहीर केली. यामुळे इराण आणि आखाती देशांवर होणारे हल्ले थांबणार असून इराणने चर्चेचीही तयारी दर्शविली आहे. त्यामुळे अमेरिकेचे अध्यक्ष डोनाल्ड ट्रम्प यांनी इराणवर हल्ला करण्याचा आपला इशारा मागे घेतला आहे. .या घडामोडींमुळे जगाने सुटकेचा निःश्वास सोडला असून जागतिक शेअर बाजारानेही उसळी घेत परिस्थिती सर्वसामान्य होण्याचे सूतोवाच केले आहेत.चर्चा करण्याबाबतचे अमेरिकेने दिलेले प्रस्ताव इराणने वारंवार धुडकावून लावल्यानंतर डोनाल्ड ट्रम्प यांनी मंगळवारी रात्री (भारतीय वेळेनुसार बुधवारी पहाटे ५.३० वाजता) इराणवर प्रचंड हल्ले करण्याचा इशारा दिला होता. इराण सरकारने तरीही नमते घेण्यास नकार देत हुतात्मा होण्याची तयारी दर्शविली होती..Israel Iran Conflict: इराणचे अणुप्रकल्प लक्ष्य.मात्र या संभाव्य युद्धामुळे जागतिक पातळीवर भीतीचे वातावरण निर्माण झाले होते. या हल्ल्याचे मोठे दूरगामी परिणाम होण्याची शक्यता असल्याने अनेक देशांनी चिंता व्यक्त करत हल्ल्यांना विरोध दर्शविला होता. मात्र त्याबरोबरच राजनैतिक मार्गाने चर्चाही सुरू होती. या चर्चेत मध्यस्थी केल्याचा दावा पाकिस्तानने केला आहे. अखेर इराणने शस्त्रसंधीसाठी सादर केलेला दहा कलमी मसुदा ट्रम्प यांनी मान्य करत आणि इस्राईलने त्यास पाठिंबा देत तिन्ही देशांनी दोन आठवड्यांची शस्त्रसंधी जाहीर केला. या दोन आठवड्यांच्या काळात इराणच्या दहा कलमी मुद्द्यावर इस्लामाबादमध्ये सविस्तर चर्चा होणार आहे..मात्र होर्मूझची सामुद्रधुनी खुली केली तरी त्यामार्गे जाणाऱ्या जहाजांकडून शुल्क आकारणार असल्याचे आणि युरेनियम समृद्धीकरण सुरूच ठेवणार असल्याचे इराणने स्पष्ट केले असल्याने हा शस्त्रसंधी टिकणार का, याबाबत साशंकता आहे. तसेच, पर्शियाच्या आखातात तैनात युद्धनौका शांतता काळातही तैनातच असतील, असे ट्रम्प यांनी म्हटल्याने इराणवर हल्ल्यांची टांगती तलवार कायम आहे. हा शस्त्रसंधी म्हणजे इराणचा विजय असल्याची प्रतिक्रिया इराण सरकारने दिली आहे. तसेच इस्राईल-अमेरिकेचे हल्ले थांबल्यास आम्हीही प्रतिहल्ले थांबवू, असेही त्यांनी स्पष्ट केले आहे..US Iran Israel Conflict: १४० कोटी जनतेला अंधारात ठेवू नका; इराण-इस्रायल युद्धावर पंतप्रधान गप्प का? संजय राऊतांचा केंद्र सरकारला सवाल.साशंकता कायमही शस्त्रसंधी म्हणजे युद्ध थांबले असे समजण्याचे कारण नसून आमच्यावर हल्ले झाल्यास आम्ही प्रत्युत्तर देऊ, असे इराण सरकारने स्पष्ट केले आहे. इराणचा प्रस्ताव ‘अंमलात आणण्याजोगा’ असल्याची प्रतिक्रिया देणाऱ्या ट्रम्प यांनीही नंतर लगेचच इराणचा अणुकार्यक्रम थांबविणे, हेच अंतिम उद्दिष्ट असल्याचे स्पष्ट केले आहे. इस्राईलने या शस्त्रसंधीला पाठिंबा दिला असला, तरी लेबनॉनमधील हिज्बुल्ला संघटनेवर हल्ले सुरूच ठेवणार असल्याचे सांगितले आहे. मध्यस्थीचा दावा करणाऱ्या पाकिस्तानने मात्र शस्त्रसंधीत लेबनॉनचाही समावेश असल्याचे म्हटले आहे. तसेच शांतता करारासाठी इस्लामाबादमध्ये वाटाघाटी होतील, असेही पाकिस्तानने जाहीर केले..अमेरिका-इराणमध्ये उद्या पाकिस्तानात चर्चा? दोन्ही देशांमधील शस्त्रसंधीनंतर, पाकिस्तानने अमेरिका आणि इराणला १० एप्रिल रोजी इस्लामाबादमध्ये चर्चेसाठी आमंत्रित केले आहे. दोन्ही देशांचे अधिकारी पाकिस्तानमध्ये चर्चा करून, शांततापूर्ण तोडगा काढण्यासाठी प्रयत्न करतील, असे मानले जात आहे..दोन्ही देशांच्या अधिकाऱ्यांना चर्चेसाठी आमंत्रित केल्याचे पाकिस्तानचे पंतप्रधान शाहबाझ शरीफ यांनी सांगितले आहे. दोन्ही देशांच्या अधिकाऱ्यांमध्ये प्रत्यक्ष चर्चा झाली, तर पाकिस्तान चर्चेसाठी पोषक वातावरण निर्माण करण्यास मदत करेल; मात्र दोन्ही अधिकारी समोरासमोर येणार नसतील, तर पाकिस्तान त्यांच्यातील अप्रत्यक्ष चर्चेमध्येही भूमिका बजावेल, असे पाकिस्तानकडून सांगण्यात आले. इराणला पाकिस्तानमध्ये अधिक सोयीस्कर वाटत असल्यामुळेच त्यांनी पाकिस्तानची मध्यस्थीची भूमिका मान्य केली, असे पाकिस्तानचे इराणमधील माजी राजदूत असिफ दुर्राणी यांनी म्हटले आहे..ठळक घडामोडीइराणवरील हल्ले थांबविल्याचे अमेरिकेकडून जाहीरइस्लामाबादमध्ये चर्चेसाठी पाकिस्तानचे अमेरिका, इस्राईलवर इराणला निमंत्रणशस्त्रसंधी जाहीर झाल्यानंतरही इराणमध्ये हल्लेबहारीनमध्येही हल्लेकुवेत, यूएई, सौदी अरेबिया, इस्राईलमध्ये धोक्याचा इशाराआंतरराष्ट्रीय बाजारात तेलाच्या किमती घसरल्याविविध देशांकडून समाधान व्यक्त.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
