Oil Supply Tensions: अमेरिकेने गुरुवारी (ता. १६) पहाटे इराणवरील हल्ल्यांची तीव्रता वाढवत राजधानी तेहरानच्या आसपास आणि उत्तर इराणमधील लक्ष्यांवर हवाई हल्ले केले. आपल्या नौदलाची नाकेबंदी मोडल्याचा आरोप करत होर्मूझ सामुद्रधुनीतून प्रवास करणाऱ्या तेलवाहू जहाजाला लक्ष्य करत अमेरिकेने हे हल्ले केले. प्रत्युत्तरादाखल इराणनेदेखील बहरीन, जॉर्डन आणि कुवेतवर क्षेपणास्त्र व ड्रोन हल्ले केले..अमेरिका आणि इराण यांच्याकडून होणाऱ्या हल्ल्यांत उत्तरोत्तर वाढ होत असल्याने पश्चिम आशियातील तणाव पुन्हा टोकाला पोहोचला आहे. इराणी अधिकाऱ्यांनी दिलेल्या माहितीनुसार, अमेरिकन हल्ल्यांत आतापर्यंत ३५ हून अधिक जणांचा मृत्यू, तर ३०० पेक्षा जास्त जण जखमी झाले आहेत..US Iran Tensions: पश्चिम आशियातील तेल निर्यात रोखू.फेब्रुवारीअखेर सुरू झालेल्या संघर्षानंतर इराणने होर्मूझ सामुद्रधुनीतून होणाऱ्या जहाजवाहतुकीवर निर्बंध लागू केले होते. त्यामुळे कच्चे तेल, खते आणि इतर वस्तूंच्या किमतींमध्ये मोठी वाढ झाली होती. अमेरिकेने बुधवारी पुन्हा नौदल नाकेबंदी लागू केल्यानंतर संघर्ष अधिक तीव्र झाला आहे..US Iran Peace Deal: अमेरिका-इराणमध्ये शांतता करार.इराणच्या संसदेचे अध्यक्ष मोहम्मद बाघेर घालिबाफ यांनी, अमेरिका करारातील अटींचे पालन करणार नसल्यास व्यापक लष्करी संघर्षासाठी इराण तयार असल्याचा इशारा दिला. इराणच्या ‘रिव्होल्युशनरी गार्ड’नेही, ‘‘पश्चिम आशियातून तेल आणि वायूची होणारी निर्यात सर्वांसाठी असेल किंवा कोणासाठीच नसेल,’’ असा निर्वाणीचा इशारा अमेरिकेला दिला. दरम्यान, अमेरिकेचे राष्ट्राध्यक्ष डोनाल्ड ट्रम्प यांनी इराण शांतता करारासाठी तयार असल्याचा दावा केला. तसेच २०२४ पासून इराणमध्ये कैद असलेल्या अमेरिकन-इराणी नागरिक डेना करारी यांची सुटका झाल्याचे त्यांनी सांगितले. मात्र, इराणकडून याबाबत अधिकृत दुजोरा देण्यात आलेला नाही..अमेरिकेच्या ‘सेंट्रल कमांड’ने दिलेल्या माहितीनुसार, होर्मूझ सामुद्रधुनीतील ग्रेटर टुंब बेटावरील इराणी क्षेपणास्त्र तळांवरही हल्ले करण्यात आले. तसेच इराणचे प्रमुख तेल निर्यात केंद्र असणाऱ्या खार्ग बेटाकडे जाणाऱ्या ‘बेल्मा’ या तेलवाहू जहाजाने वारंवार दिलेल्या इशाऱ्यांकडे दुर्लक्ष केल्याने त्याच्यावर क्षेपणास्त्र डागण्यात आले..अमेरिकन तळ लक्ष्यइराणने प्रत्युत्तरादाखल बहरीन, जॉर्डन आणि कुवेतमध्ये अमेरिकन तळांना लक्ष्य करून क्षेपणास्त्र व ड्रोन हल्ले केल्याचे वृत्त आहे. मात्र या हल्ल्यांमुळे कोणतीही जीवित किंवा वित्तहानी झाल्याची अधिकृत माहिती अद्याप समोर आलेली नाही. याशिवाय, इराकमधील इर्बिल शहरावर झालेल्या ड्रोन हल्ल्याचाही इराकचे पंतप्रधान अली अल-झैदी यांनी निषेध केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
