kharif Season: भारताने युरिया आयातीसाठी निविदा काढल्यानंतर काही कंपन्यांनी फेब्रुवारीच्या तुलनेत ८४ टक्के जास्त दराने पुरवठ्याची तयारी दर्शविली आहे. भारताला खरिपासाठी खतांची आवश्यकता असल्याने पुरवठादारांनी भाव वाढवले आहेत. भारताने चढ्या भावात युरिया खरेदी केल्यास आंतरराष्ट्रीय बाजारात भाव मोठ्या प्रमाणात वाढण्याची शक्यता आहे. .राॅयटर्स या वृत्तसंस्थेने दिलेल्या माहितीनुसार, भारताची गरज आणि अमेरिका, इस्राईल - इराण युद्ध यामुळे युरियाचे भाव वाढले आहेत. भारतासाठी खरिपाचा हंगाम महत्त्वाचा आहे. खरिपात खतांचा वापरही मोठ्या प्रमाणात होत असतो. पण युद्धामुळे पश्चिम आशियातील देशांमधून होणारा पुरवठा विस्कळीत झाला आहे. युरिया निर्मितीसाठी आवश्यक नैसर्गिक गॅसचीही टंचाई भासत आहे. त्यामुळे भारत सरकारने इंडियन पोटॅश या खतकंपनीच्या माध्यमातून खरिपासाठी ४ एप्रिल रोजी २५ लाख टन युरिया आयातीच्या निविदा जाहीर केल्या होत्या. भारत वर्षाला जवळपास १०० लाख टन युरियाची आयात करतो..Urea Production: सध्याची परिस्थिती अत्यंत अडचणीची, देशांतर्गत युरिया उत्पादनावर परिणाम.भारताच्या या निविदेला प्रतिसाद देत एकूण ६० लाख टन युरिया पुरवठ्याचा प्रस्ताव आला आहे. पण कंपन्यांनी युरियाचा भाव फेब्रुवारीच्या तुलनेत ८४ टक्के वाढवला आहे. भारताच्या पश्चिम किनाऱ्यावरील बंदरांवर कमीत कमी ९३५ डाॅलर प्रतिटन भावाने युरिया पोहोच करण्याचा प्रस्ताव ठेवण्यात आला आहे. तर पूर्वेकडील बंदरावर पोहोच करण्यासाठी कमीत कमी ९५९ डाॅलर भावाचा प्रस्ताव आहे. या भावात खते खरेदी करण्यासंदर्भात सरकार २३ एप्रिल रोजी निर्णय घेणार आहे..Urea Production: सध्याची परिस्थिती अत्यंत अडचणीची, देशांतर्गत युरिया उत्पादनावर परिणाम.असा आहे पुरवठ्याचा प्रस्तावभारताला युरिया पुरवठ्याचा प्रस्तावित भाव सर्वांत कमी मिलेनियम कमोडिटीने ९३५ डाॅलर दिला आहे. या भावात या कंपनीने ५६ हजार टन पुरवठ्याचा प्रस्ताव दिला आहे. पण आदित्य बिर्ला ग्लोबल कंपनीने पश्चिम किनाऱ्यावरील बंदरांवर १३.५ लाख टन पुरवठा ९४१.७० डाॅलर प्रति टन दराने आणि ६.५ लाख टन पूर्व बंदरांवर पुरवठा करण्यास तयारी दर्शविली आहे. तर काॅमेट ट्रेंडिंग कंपनीने एक लाख टन युरियाचा पुरवठा १ हजार १३६ डाॅलर प्रति टन दराने करण्याची तयारी दर्शविली आहे..भावात मोठी वाढराष्ट्रीय केमिकल्स अँड फर्टीलायझर्स (आरसीएफ) कंपनीने ३१ डिसेंबरच्या आयातीसाठी पश्चिम किनाऱ्यावरील बंदरांवर प्रति टन ५०८ डाॅलरने, तर पूर्वेकडील बंदरांवर ५१२ डाॅलरने निविदा अंतिम केल्या आहेत. पण युद्धामुळे बंदरांवर युरिया पोचण्यास उशीर होत आहे. सध्याच्या निविदेनंतर सर्वात कमी ९३५ डाॅलर प्रति टन भावाने प्रस्ताव आला आहे. इतर प्रस्ताव एक हजार डाॅलर प्रति टन भावाने आले आहेत, असे सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
