Dharashiva News: आठवडाभरापासून किमान तापमानात दोन अंशांपर्यंत चढ-उतार पाहायला मिळत आहे. मध्येच ढगाळ हवामानाची स्थितीदेखील निर्माण होत आहे. किमान तापमानाचा पारा १२ ते १४ अंशांपर्यंत रेंगाळत असल्याने थंडीचे प्रमाण कमी-अधिक होत आहे..अधूनमधून जिल्ह्यात निर्माण होत असलेल्या ढगाळ हवामानामुळे रब्बी पिकांवर रोगांचा प्रादुर्भाव होण्याची भीती शेतकऱ्यांमध्ये आहे. सध्या ज्वारी, हरभरा, राजमा, मका ही रब्बी पिके वाढीच्या अवस्थेत आहेत, तर खरीप कांदा आता काढणीयोग्य स्थितीत आला आहे. रब्बी हंगामात लागवड केलेला उन्हाळी कांदा आता महिनाभराचा झाले आहे..Maharashtra Winter Weather: थंडीच्या तीव्र लाटेचा इशारा.ज्वारीच्या वाढीसाठी तसेच खरीप कांद्याची फुगवण होण्यासाठी चांगली थंडी पोषक असल्याचे तज्ज्ञांचे मत आहे. याशिवाय आंबा बागांमध्ये मोहोर येण्यासाठीदेखील चांगली थंडी आवश्यक असल्याचेही तज्ज्ञ सांगत आहेत. दरम्यान, आठवडाभरापासून थंडी कमी-अधिक होत आहे. किमान तापमान कधी १४ अंशांपर्यंत वाढत आहे, तर कधी १२-१३ अंशांपर्यंत खाली येत आहे. सायंकाळी जाणवणारी थंडी कमी झाली आहे..Maharashtra Winter Weather: पूर्व विदर्भात थंडीच्या लाटेची शक्यता.रात्री दहा ते सकाळी सहापर्यंत थंडी वाढत असल्याचे चित्र आहे. उत्तरेकडून थंड वारे वाहतात, त्यावेळी आपल्या भागात थंडी वाढते. त्यासाठी वाऱ्याची दिशा उत्तरेकडून दक्षिणेकडे अशी हवी. अशी स्थिती तयार होत असून थंडी वाढण्याची शक्यता आहे, अशी माहिती ज्येष्ठ हवामानतज्ज्ञ डॉ. रामचंद्र साबळे यांनी दिली..तापमानात चढ-उतार पाहायला मिळत असल्याने आरोग्याच्या समस्यांनी तोंड वर काढले आहे. त्यामुळे लहान मुले व वृद्धांनी आपल्या आरोग्याची काळजी घ्यावी व उबदार कपड्यांचा वापर करावा. शेतकऱ्यांनीही आपली कामे दुपारी सुरू करून सायंकाळी लवकर आटोपून घराचा रस्ता धरावा. .हवामानातील बदलांमुळे व्हयरलचे आजार बळावतात. त्यामुळे या दिवसांत पाणी उकळून पिण्यावर लहानांसह मोठ्यांनीही भर द्यावा. ही थंडी पिकांसाठी पोषक असली, तरी आरोग्यासाठी हानीकारक आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
