UPI Payment Fee: आगामी दिवाळी सणाच्या पार्श्वभूमीवर युपीआय व्यवहारांवरील प्रस्तावित मर्चंट डिस्काउंट रेट (एमडीआर) शुल्काची अंमलबजावणी पुढे ढकलण्यात आली आहे. नॅशनल पेमेंट्स कॉर्पोरेशन ऑफ इंडिया (एनपीसीआय) ने मंगळवारी (ता. १३) हा निर्णय जाहीर केला. हे शुल्क १५ ऑक्टोबर २०२६ पासून लागू होणार होतेAgrowon. मात्र, आता दिवाळीनंतर त्याची अंमलबजावणी केली जाणार असून, नेमकी तारीख स्वतंत्रपणे जाहीर करण्यात येणार आहे. त्यामुळे सणासुदीच्या काळात व्यापाऱ्यांना तात्पुरता दिलासा मिळाला आहे..एमडीआर म्हणजे मर्चंट डिस्काउंट रेट. डिजिटल पेमेंट स्वीकारताना व्यापाऱ्यांकडून पेमेंट प्रक्रियेशी संबंधित संस्थांना आकारले जाणारे हे शुल्क आहे. प्रस्तावित व्यवस्थेनुसार, पात्र व्यापारी व्यवहारांवर २,००० रुपयांपेक्षा अधिक रकमेच्या युपीआय पेमेंटसाठी ०.४ टक्के एमडीआर आकारला जाणार आहे. मात्र, हे शुल्क सर्व युपीआय व्यवहारांना लागू होणार नाही. व्यक्ती ते व्यक्ती व्यवहार आणि २,००० रुपयांपर्यंतच्या व्यापारी व्यवहारांना या शुल्कातून वगळण्यात आले आहे..Crop Cutting Experiment : पिर्ली येथे पीक कापणी प्रयोग.७५ हजारांवरील व्यवहारांसाठी ३०० रुपयांची मर्यादाप्रस्तावित नियमांनुसार, ७५,००० रुपये किंवा त्यापेक्षा अधिक रकमेच्या पात्र व्यवहारांवर एमडीआर शुल्काची कमाल मर्यादा ३०० रुपये असेल. उदाहरणार्थ, १० हजार रुपयांच्या पात्र व्यवहारावर ४० रुपये, तर ५० हजार रुपयांच्या व्यवहारावर २०० रुपये शुल्क आकारले जाऊ शकते. हे शुल्क ग्राहकांकडून थेट न घेता व्यापाऱ्यांकडून आकारले जाणार असल्याचे एनपीसीआय ने स्पष्ट केले आहे..PDCC Bank Support: पुणे जिल्हा मध्यवर्ती सहकारी बँकेच्या अडचणी सोडविण्यासाठी सर्व पातळ्यांवर पुढाकार: उपमुख्यमंत्री सुनेत्रा पवार.काही क्षेत्रांसाठी निश्चित शुल्ककाही निवडक क्षेत्रांतील पात्र व्यवहारांसाठी टक्केवारीऐवजी निश्चित शुल्काची स्वतंत्र तरतूद करण्यात आली आहे. यामध्ये रेल्वे, दूरसंचार, विमा, इंधन, वीज-पाणी आणि शिक्षण यांसारख्या क्षेत्रांचा समावेश असल्याचे वृत्त आहे. या व्यवहारांसाठी २,००० रुपयांपेक्षा अधिक रकमेवर प्रति व्यवहार ५ रुपये शुल्क आकारण्याची तरतूद नमूद करण्यात आली आहे. मात्र, या अटी संबंधित व्यवहारांच्या पात्रतेनुसार लागू होतील..छोट्या दुकानदारांना शुल्कातून सवलतमहिन्याला क्यूआर कोडद्वारे १ लाख रुपयांपर्यंत युपीआय पेमेंट स्वीकारणाऱ्या पात्र छोट्या व्यापाऱ्यांना शून्य एमडीआर लागू राहणार असल्याचे यापूर्वीच्या नियमांमध्ये नमूद करण्यात आले आहे. छोट्या व्यापाऱ्यांवरील आर्थिक भार कमी ठेवणे आणि डिजिटल पेमेंटचा वापर सुरू राहावा, हा या सवलतीमागील उद्देश आहे..दिवाळीपूर्वी शुल्काची अंमलबजावणी पुढे ढकलल्यामुळे व्यापाऱ्यांना तयारीसाठी अधिक वेळ मिळणार आहे. दिवाळीनंतर शुल्क लागू होण्याची अंतिम तारीख आणि संबंधित अटींबाबत एनपीसीआय कडून पुढील घोषणा अपेक्षित आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
